Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Lwimbo wa Solomone 1:1-17

BIJI MU BUKU

  • Lwimbo wakila nyimbo yonse (1)

  • Nsongwakazhi (2-7)

  • Baana ba bakazhi ba mu Yelusalema (8)

  • Mfumu (9-11)

    • “Tusakukulengela bya kwikobaika bya ngolode” (11)

  • Nsongwakazhi (12-14)

    • “Kyefu wami uji nobe kamutumwa ka manyi a mola” (13)

  • Kafunga (15)

    • “Obewa mutemwe wami, walamba bingi”

  • Nsongwakazhi (16, 17)

    • “Obewa kyefu wami wa buya” (16)

1  Uno ye lwimbo wa Solomone wakila nyimbo* yonse:+   “Mfyompe na kanwa kobe,Mambo byambo byobe bya butemwe byawama kukila binyu.+   Manyi obe o wishinga anunka bingi bulongo.+ Jizhina jobe jiji nobe manyi o baitulwila panshi.+ O ene mambo bansongwakazhi o bakutemenwa.   Nsende;* twaya tunyeme. Mfumu wantwezha mu bibamba byanji bya mukachi! Twaya tusekele ne kusangalela pamo. Twaya twambenga* pa butemwe bobe kukila kwambanga pa binyu. Kine bansongwakazhi bakutemwa bingi.   Anweba baana ba bakazhi ba mu Yelusalema, amiwa nangwa nafiita, bino nalamba bingi.Nalambatu nobe matente a ku Keda,+ kabiji nobe bisapi bya ku matente+ a kwa Solomone.   Kange muntajishe na mambo a byo nafiita ne,Nafiita na mambo a mute. Bakolojami ba balume banzhingijiile;Bañambijile’mba ndamenga majimi a miñanzañanza,Pano bino, bujimi bwami bwa miñanzañanza nakankelwe kwibulama.   Obewa ye natemwa* bingi, mbuuleKo ujiishisha mikooko yobe,+Ko wiitwala na kukokoloka pa kushinkamana juba. Mambo ka o nafwainwa kwikela nobe mwanamukazhi ye bavweta kisapi*Mu mikooko ya balunda nobe?”   “Obewa walamba kukila banabakazhi bonse, umvwe kechi wayuka ne,Londela mwaya mikookoNe kujiishisha baana ba bambuzhi bobe kwipi na matente a bakafunga.”   “Obewa mutemwe wami, nakwesakanya ku mbili* wa mukazhi wa ku makalaki a kwa Felo.+ 10  Mabuta obe amweka bingi bulongo inge wavwala bya kwikobaika,*Ne malungo obe byo azenzumukila mu nshingo yobe. 11  Tusakukulengela bya kwikobaika bya ngolodeYo bavwangakanya na siliva.” 12  “Inge mfumu waikala ku tebulu wanji,Manyi ami anunka bingi bulongo.+ 13  Kyefu wami uji nobe kamutumwa ka manyi a mola anunka bulongo+Kekala pa kyaji kyami bufuku bonse. 14  Kyefu wami uji nobe kizanze kya maluba a hena+Aji mu majimi a miñanzañanza a ku Enagedi.”+ 15  “Umvwa! Obewa mutemwe wami, walamba bingi. Umvwa! Walamba bingi. Meso obe ajitu nobe a bankunda.”+ 16  “Umvwa! Obewa kyefu wami wa buya,* kabiji uñumvwisha bingi bulongo ku muchima.+ Mwanya wetu uji nobe mabuula anekena. 17  Nzubo* yetu iji na bisomo bya bichi bya sida,Ne myamba yayo yo ya bichi bya yunipa.

Tubyambo twa munshi

Nangwa’mba “Lwimbo wawama bingi.”
Mu Kihebelu, “Unkoke.”
Nangwa’mba “tutongaulenga.”
Nangwa’mba “mweo wami ye atemwa.”
Nangwa’mba “kisapi kya majila.”
Nangwa’mba “mbili wami.”
Nangwa, “bya kubika mu nsuki.”
Nangwa’mba “walamba.”
Nangwa’mba “nzubo ikatampe.”