Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Hoseya 4:1-19

BIJI MU BUKU

  • Yehoba wapamo mambo bena Isalela (1-8)

    • Bantu mu kyalo kechi bamuyuka Lesa ne (1)

  • Kupopwela bankishi kwa bena Isalela ne byubilo byabo bya bulalelale (9-19)

    • Muchima watama ongolañana (12)

4  Anweba bena Isalela, umvwai byaamba Yehoba,Mambo Yehoba wapamo mambo bantu bekala mu kyalo,+Mambo mu kyalo kechi muji bukishinka ne butemwe bubula kwaluka ne, kabiji bantu kechi bamuyuka Lesa ne.+   Mu kyalo mwakumbanatu kuchipa bubela, kubepa,+ kwipayañana,+Kwiba ne kuba bukende,+Kabiji kwichila mashi a bantu kwakumbanatu konse konse.+   Na mambo a bino bintu, ntanda ikajila mabingo+Ne bantu bonse bekalamo bakakonyangala;Banyama ba mungye, bañonyi,Ne masabi a mu kalunga ka mema bikavila.   “Nangwa byonkabyo, kange muleke muntu nangwa umo apachike nangwa kuzhachisha mukwabo ne,+Mambo bantu benu bajitu nobe boba bepachika na ñanga.+   Onkao mambo, muketuntula mute wansanana,Ne bangauzhi nabo baketuntwila pamo ne anweba nobe bufuku. Kabiji inenu nkamwipaya.*   Bantu bami bakebepaya,* mambo abo kechi bangyuka ne. Byo mwakana kungyuka,+Ne amiwa kechi nkemuswisha kwikala bañanga bami ne;Kabiji byo mwavulama mizhilo* ya Lesa wenu,+Ne amiwa, baana benu nkebavulama.   Byo bayilenga na kuvujilako, ne bubi bwabo nabo bwayilenga na kuvujilako.+ Nkalula munema wabo kwikala kintu kileta bumvu.*   Mu bubi bwa bantu bami mo mo bajiila,Kabiji bakebesha kuba’mba bantu bobenga* bintu byatama.   Kintu kikamwekela bantu kyo kikamwekela ne bañanga;Amiwa nkebakambula monka mwayila byubilo byabo,Kabiji nkebakambula monka mwayila bintu byo boba.+ 10  Bakaja pano bino kechi bakekuta ne,+ Bakobanga bukende,* bino kechi bakekala na baana ne,+Mambo kechi bamukookela Yehoba ne. 11  Bupite,* binyu ne binyu bya bintontoBilengela muntu kubula kuba bintu byawama.*+ 12  Bantu bami bakeba bukwasho ku bankishi babo ba kusonga,Kabiji boba bintu bibabuula kamama kabo;*Mambo muchima wa kukeba kuba bupite* wibatwala mungi,Kabiji bakana kukookela Lesa wabo na mambo a bupite* bwabo. 13  Batapisha bitapisho peulu ya mitumba,+Kabiji basoka bya kufutumuna pa tutumbatumba,Munshi ya bichi bya oko, mu bichi bilala buluba butoka ne munshi ya bichi byonse bikatampe,+Mambo biji na bimfutele byawama. O ene mambo baana benu ba bakazhi o bobila bupite,*Ne balokazhi benu o bobila bukende. 14  Baana benu ba bakazhi kechi nkebakambula na mambo a kuba bupite* ne,Ne balokazhi benu nabo kechi nkebakambula na mambo a kuba bukende ne. Mambo banabalume baya ku bapiteKabiji batapisha bitapisho pamo na bapite ba ku nzubo ya Lesa;Bantu ba uno mutundu babula kumvwina,+ bakonaika. 15  Nangwa kya kuba anweba bena Isalela mubena kuba bupite,*+Bena Yuda kange bafwilemo na mambo a buno bubi ne.+ Kange muye ku Giligala+ nangwa ku Bete-avena ne,+Kabiji kange muchipe amba, ‘Byonkatu Yehoba byo aji na bumi!’ ne.+ 16  Mambo bena Isalela betota byonkatu bitota ñombe.+ Onkao mambo, Yehoba kechi ukebatangijila ku nsono ya munyemvu* nobe mwana mukooko mulume ne. 17  Bena Efelaimu nabo babena kupopwela bankishi.+ Mulekai obenga bintu byo akeba! 18  Umvwe maalwa* abo apwa,Batendeka kuba bukende.* Kabiji bantangi* babo basekela mu bintu byatama.+ 19  Luvula ukamusenda,* mu byapi byanji,Kabiji kikebalenga bingi bumvu na mambo a bitapisho byabo.”

Tubyambo twa munshi

Nangwa’mba “nkamonauna.”
Nangwa’mba “bakebonauna.”
Nangwa’mba “mikambizho.”
Nangwa, “Bapimpula lukumo lwami na bumvu.”
Nangwa’mba “basuntwilenga mweo wabo ku.” Monai Mutanchi, “Mweo.”
Nangwa’mba “Bakakizhamo kuba bintu byatama; kuba bupite.”
Nangwa’mba “Byubilo byatama; Bulalelale.”
Mu Kihebelu, “Bisenda muchima.”
Nangwa’mba “kamama kabo ko bapongako.”
Nangwa’mba “byubilo byatama; bulalelale.”
Nangwa’mba “byubilo byatama; bulalelale.”
Nangwa’mba “byubilo byatama; bulalelale.”
Nangwa’mba “byubilo byatama; bulalelale.”
Nangwa’mba “byubilo byatama; bulalelale.”
Mu Kihebelu, “mpunzha yabaya.”
Nangwa’mba “maalwa a wichi.”
Nangwa’mba “Bakizhamo kuba byubilo byatama; kuba bupite.”
Mu Kihebelu, “makebo.”
Nangwa’mba “ukamukumpula.”