Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Byambo bya Maana 9:1-18

BIJI MU BUKU

  • Maana a kine aita lwito (1-12)

    • “Moba obe akavula na mambo a amiwa” (11)

  • Mwanamukazhi wabula maana waita lwito (13-18)

    • “Mema a kwiba atobala” (17)

9  Maana a kine ashimika nzubo yao;Alenga mashiki ao atanu na abiji.   Anengezha bulongo nyama yao;*Avwangakanya binyu byao;Anengezha ne tebulu wao.   Atuma ba mingilo bao ba bakazhiKuya na kubijika pa mapunzha atuntama a mu muzhi+ amba:   “Yense wabula kuyuka bintu, eye kuno atwele.” Maana ambila yewa wabula maana* amba:   “Iya uje kajo kami.Ne kutoma binyu byo navwangakanya.   Buleke bulubi* bobe wikale na bumi;+Yangatu kulutwe mu jishinda ja milangwe.”+   Awa ololako wa mwenga bamupelula,+Ne yewa ukajipila mubi kikamukola ku muchima.   Kange ololeko wa mwenga ne, mambo ukakushikwa.+ Ololako muntu wa maana, ne aye ukakutemwa.+   Funjisha muntu wa maana, ne aye ukekala na maana avula.+ Funjisha muntu waoloka, ne aye ukafunjilapo bikwabo. 10  Kwakamwa Yehoba yo ntendekelo ya maana,+Kuyuka bintu kufuma ku Mwine Wazhila,+ yo milangwe. 11  Moba obe akavula na mambo a amiwa,+Ne myaka ya bumi bobe ikanungwako. 12  Umvwe waikala na maana, ukamwenamo byawama,Pano bino, inge waikala wa mwenga, ukeyanjisha obe mwine. 13  Mwanamukazhi wakosama ulokota bingi.+ Ye kilubi kabiji kafwako nangwa kimo kyo ayuka ne. 14  Wikala ku kibelo kya nzubo yanjiPa kipona pa mpunzha patuntama mu muzhi,+ 15  Na kubijika babena kupita mu jishinda,Bonka babena kuyatu kulutwe mu jishinda jabo amba: 16  “Yense wabula kuyuka bintu, eye kuno atwele.” Wambila boba babula maana*+ amba: 17  “Mema a kwiba atobala,Ne kajo ka kujiila mu bufyamfya kawama.”+ 18  Bino aba bo eta mwanamukazhi kechi bayuka’mba bafwa baji monkamwa,Ne kuba’mba benyi banji baji mu Kilende* mwazhika ne.+

Tubyambo twa munshi

Mu Kihebelu, “Epaya nyama yao.”
Mu Kihebelu, “ulondela bikeba muchima.”
Nangwa’mba “babula kuyuka bintu.”
Mu Kihebelu, “balondela bikeba muchima wabo.”
Nangwa’mba “Shelo,” ko kuba’mba, kilende kya bantu bonse. Monai Mutanchi.