Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Byambo bya Maana 8:1-36

BIJI MU BUKU

  • Maana amba nobe muntu (1-36)

    • ‘Yami ntendekelo ya mingilo ya Lesa’ (22)

    • ‘Najinga sendwe kwi Lesa’ (30)

    • “Natemenwe bingi bantu” (31)

8  Nanchi maana kechi abena kwita nenyi? Ne milangwe kechi ibena kubijika nenyi?+   Aimana patuntama+ kwipi na mukwakwa,Aimana pa mansanga.   Kwipi na bibelo bya muzhi,Pa bibelo bya kutwelelamoPo po abijikila’mba:+   “Anweba bantu, yenu mbena kwita;Mbena kubijika ku muntu yense.*   Anweba bantu babula kuyuka bintu, fundai kujimuka;+Anweba bakosama, ikalai na muchima wa kukwatakanya bintu.*   Telekai, mambo byo mbena kwamba byanema,Byatunwa byami byamba byaoloka;   Mambo kanwa kami kamba bukine,Ne byatunwa byami byashikwa bubi.   Byambo byonse bifuma mu kanwa kami byaoloka. Kafwako nangwa kimo kyaluwankana nangwa kya bujimbijimbi ne.   Byonsetu byaoloka ku muntu wa milangweKabiji byaoloka ku boba bayuka bintu. 10  Tambulai mafunde ami kukila siliva,Ne maana a kuyuka bintu kukila ngolode yawamisha,+ 11  Mambo maana awama kukila mabwe a makolale;*Bintu byonse byawama kechi byakonsha kwesakana nao ne. 12  Amiwa maana, twikala pamo na kujimuka;Nataana maana a kuyuka bintu ne a kupima bintu.+ 13  Kwakamwa Yehoba kulumbulula kushikwa bintu byatama.+ Nashikwa kwilundumika ne kwitota+ ne jishinda ja bubi ne ñambilo yatama.+ 14  Amiwa mfunjisha byawama kabiji nji na maana alumbuluka;+Maana a kukwatakanya bintu+ ne bulume+ byo byami. 15  Bamfumu balama na mambo a bukwasho bwami,Ne babinemanga bamba bololoke.+ 16  Babitumbafumu batwajijila kulama na mambo a bukwasho bwami,Ne babinemanga bachibila mambo mo aolokela. 17  Natemwa boba bantemwa,Ne boba bankeba, bakantaana.+ 18  Bunonshi ne lukumo biji ne amiwa,Bunonshi* bwa myaka ne bololoke. 19  Bipangwa byami byawama kukila ngolode, yonka ngolode yo batubula bulongo,Ne bintu byo mpana byawama kukila siliva yawamisha.+ 20  Ñenda mu jishinda ja bololoke,Pakachi ka mashinda a bunchibamambo bwaoloka; 21  Mpana buswanyi bwawama ku boba bantemwa,Kabiji ngyuzha matala abo. 22  Yehoba wandengele, kabiji yami ntendekelo ya byo alenga,+Yami mutanshi pa bintu byanji byonse byo alengele kala kene.+ 23  Amiwa naikajikilwe kala kene,*+Kwine ku ntendekelo, ntanda saka ikyangye kulengwa.+ 24  Nasemekelwe* tulunga twa mema+ saka tukyangye kwikalako,Masulo a mema atupauka saka akyangye. 25  Mitumba saka ikyangye kulengwa,Ne tutumbatumba saka tukyangye kulengwa, amiwa saka nasemwa kala, 26  Saka akyangye kulenga ntanda ne masaka ajimoNangwa maloba atanshi a mushiji. 27  Byo anengezhezhenga jiulu,+ amiwa najinga konka;Byo abikilenga mupaka* peulu ya mema,+ 28  Byo aikajikile* makumbi mwiulu,Ne byo aajile bitendekesho bya masulo a mema, 29  Byo akambizhe kalunga ka memaAmba mema ako abule kupitayila po eakambizhe kupelela,+Byo aajile* bitendekesho bya ntanda, 30  Najinga sendwe wanji.+ Kabiji wantemenwangakotu+ pa juba pa juba;Naikalanga na lusekelo kwi aye kimye kyonse;+ 31  Nasangalele na mambo a ntanda,Kabiji natemenwe bingi bantu. 32  Pano baana bami, ntelekai;Bo bene ba lusekelo aba benda mu mashinda ami. 33  Saka mumvwina mafunde+ pa kuba’mba mwikale na maana,Kabiji kange mwiakane ne. 34  Ye mwine wa lusekelo awa muntu uteleka kwi amiwaKupichila mu kwiya lukelokelo ku bibelo byami pa juba pa juba,Saka apembelela kwipi na mashiki a kibelo kyami; 35  Mambo awa untaana ukataana bumi,+Kabiji Yehoba ukamubila bibusa. 36  Pakuba awa unkana wiletela mwine* bya malwa,Ne aba banshikwa, batemwa lufu.”+

Tubyambo twa munshi

Mu Kihebelu, “ku baana ba bantu.”
Mu Kihebelu, “muchima wa kuyuka.”
Nangwa’mba “Bya buswanyi byanema.”
Nangwa’mba “Kufumatu kimye kya kala kene.”
Nangwa’mba “Nasemekelwe mu bisanso.”
Mu Kihebelu, “kizhingu.”
Mu Kihebelu, “akoseshe.”
Nangwa’mba “akambizhe.”
Nangwa’mba “mweo wanji.”