Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Byambo bya Maana 27:1-27

BIJI MU BUKU

  • Kukololako ku mulunda kukwashañana (5, 6)

  • Mwanami, usangajike muchima wami (11)

  • Kyela kya kapotwe kinona kyela kya kapotwe kikwabo (17)

  • Yuka jitanga jobe (23)

  • Bunonshi kechi bwikala myaka ne myaka ne (24)

27  Kange witote pa mambo a juba ja kesha ne,Mambo kechi wayuka byo jikekala ne.*+   Leka bakwenu* bakutote, kechi kanwa kobe ne;Bakwenu* bakutote, kechi kanwa kobe ne.+   Jibwe janema ne busenga nabo bwanema,Bino makatazho aleta muntu wakosama anema kukila jibwe ne busenga.+   Kuji bukaji bwashinta, ne kuzhingila kupomokatu nobe kaombe ka mema,Bino ñanyi wakonsha kuchinchika inge bamubila kichima?+   Kyawama kololako muntu patoka kukila kwikala na butemwe ne kubula kwibumwesha.+   Muntu wa kishinka ololako mukwabo nangwa kya kuba kyakonsha kumukozha ku muchima,+Bino kukufyompa kwa mulwanyi ko kwa bujimbijimbi.*   Muntu* waikuta ukana* jipuma ja buki,Pakuba ku muntu* wafwa nzala, ne byalula bitobala.   Byonkatu biji kañonyi kasha* kinsa kyakoByo biji ne muntu usha nzubo yanji.   Manyi ne binunka bulongo bilengela muchima kusangalala;Byo biji ne bulunda bwawama bwikalako na mambo a kufundañanako kufuma panshi ya muchima.*+ 10  Kange ukane mulunda nobe nangwa mulunda wa bashobe ne,Kabiji kange utwele mu nzubo ya mulongo wobe mu juba ja bya malwa byobe ne;Muntu ye wikala nanji kipikipi wawama kukila mulongo wobe uji kwalepa.+ 11  Mwanami, wikale wa maana ne kusangajika muchima wami,+Pa kuba’mba namukumbule awa uñendeleka.+ 12  Muntu wajimuka umona bileta malwa kabiji ufyama,+Pakuba muntu wabula maana uyatu kabiji umona bya malwa. 13  Senda kivwalo kya muntu inge wakupa amba ukwachilemo na mambo a muntu ungi;Kwachilamo kintu kyanji umvwe wakupakyo na mambo a mwanamukazhi ungi.*+ 14  Inge muntu wapesha mukwabo lukelokelo na jiwi ja peulu,Kikomvwanyika nobe ubena kufingañana. 15  Mwanamukazhi wa lutobo* uji nobe musemi ubula kuleka kunoka mu juba ja mvula.+ 16  Yense wakonsha kumukanya wakonsha ne kukanya mwelaKabiji wakonsha kulama manyi mu kuboko kwanji kwa kilujo. 17  Byonkatu kyela kya kapotwe byo kinona kyela kya kapotwe kikwabo,Ne muntu byo byo anona mulunda* nanji.+ 18  Awa ulama kichi kya mukuyu ukaja bipangwa byakyo,+Ne yewa ulama nkambo yanji bakamunemeka.+ 19  Byonkatu mema byo amwesha kilungi kya muntu,Ne muchima wa muntu byo byo amwesha muchima wa mukwabo. 20  Kilende ne mpunzha ya lonaiko* kechi bitondwa ne,+Ne meso a muntu nao kechi atondwa ne. 21  Byonkatu siliva byo beisungulwila mu mpuki ya kusungulwilamo ne ngolode mu kisha kya mujilo,+Ne muntu naye bamwesekela ku lutotelo lo bamupa.* 22  Muntu wakosama nangwatu mumutwe na mwinshiNobe kajo ko batwa mu kiina,Kukosama kwanji kechi kukapwa ne. 23  Wafwainwa kuyuka bulongo bimweka jitanga jobe. Lama bulongo* mikooko yobe,+ 24  Mambo bunonshi kechi bwikala kikupu ne,+Ne munchinya* naye kechi wikala ku bisemi byonse ne. 25  Nsono izhimañana ne munyemvu umena,Ne bimena ku mitumba bebibungizha. 26  Baana ba mikooko balume bemulengela kwikala na bivwalo,Ne bambuzhi balume bemulengela kupota bujimi. 27  Kabiji kukekala mukaka wa bambuzhi wavula ukekala kajo kenu,Ne ka ba mu nzubo yenu ne ka kujiisha ba mingilo benu bansongwakazhi.

Tubyambo twa munshi

Mu Kihebelu, “byo jikasema ne.”
Mu Kihebelu, “benyi.”
Mu Kihebelu, “Muntu wa ku kyalo kingi.”
Nangwa, “kwabula bukishinka; kwa kukanjikizha.”
Nangwa’mba “Mweo.”
Mu Kihebelu, “unyantaula.”
Nangwa’mba “mweo wafwa nzala.”
Nangwa’mba “kanyema mu.”
Nangwa’mba “kufuma ku byafuukula mweo.”
Nangwa’mba “mwenyi.”
Nangwa’mba “mumeme.”
Mu Kihebelu, “kilungi kya mulunda nanji.”
Nangwa’mba “Shelo ne Abadona.”
Nangwa’mba “Ne muntu monka mwayila kutotwa kwanji.”
Nangwa’mba “Bika muchima wobe pa; Teshako muchima ku.”
Nangwa’mba “kabondo nako.”