Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Byambo bya Maana 16:1-33

BIJI MU BUKU

  • Yehoba upimapima milanguluko ya bantu (2)

  • Kufikizha mingilo yobe kwi Yehoba (3)

  • Mashikelu a kine afuma kwi Yehoba (11)

  • Paji kwitota palondela lonaiko (18)

  • Mvwi, ye munchinya wa buya (31)

16  Muntu unengezha milanguluko ya mu muchima wanji,*Bino mukumbu* ye akumbula ufuma kwi Yehoba.+   Mashinda onse a muntu amweka bulongo* kwi aye mwine,+Bino Yehoba utalatala mu michima.*+   Pana kwi* Yehoba bintu byonse byo uba,+Ne bintu byo ufuukula kuba bikalumbuluka.   Yehoba ulengela bintu byonse kumweka monka mwayila byo akeba,Ne konauna babi mu juba ja malwa.+   Muntu yense witota mu muchima ye wa bunya kwi Yehoba.+ Kabiji yukai’mba* bakamukambula.   Na mambo a butemwe bubula kwaluka ne bukishinka,+ mambo alekelwa,Kabiji na mambo a kwakamwa Yehoba, muntu uleka kuba bubi.+   Inge jishinda ja muntu jamutokela Yehoba ku muchima,Ulengela ne balwanyi ba yewo muntu kwikala nanji mu mutende.+   Kyawama kwikala na bintu bicheche saka paji bololoke+Kukila kwikala na bintu byavula saka pabula bololoke.+   Muntu wakonsha kufuukula mu muchima wanji bya kuba,Bino Yehoba ye umutangijila.+ 10  Byambo bya Lesa byafwainwa kwikala mu kanwa ka mfumu;+Kabiji kechi wafwainwa kuchibila mambo mungi ne.+ 11  Bipimo bya kine ne mashikelu bifuma kwi Yehoba;Ne bipimo byonse biji mu fukuta ye wibilengele.+ 12  Byubilo byatama byo bya bunya ku bamfumu,+Mambo bololoke bo bwikajika jitanda.+ 13  Byambo byaoloka bitokesha bamfumu ku muchima. Kabiji abo batemwa muntu wamba bya kine.+ 14  Bukaji bwa mfumu buji nobe muluwe wa lufu,+Bino muntu wa maana wayuka bya kwibufwomona.*+ 15  Mu kilungi kya mfumu muji kyeya kya bumi;Bibusa byanji biji nobe makumbi a mvula mu kimye kya kisalo.+ 16  Kyawama kwikala na maana kukila ngolode!+ Kyawama kusalapo kwikala na maana a kuyuka bintu kukila kwikala na siliva.+ 17  Muntu waoloka uchinuzhuka jishinda jatama. Yense ulama jishinda janji ulamawizha bumi* bwanji.+ 18  Paji kwitota palondela lonaiko,Kabiji muchima wa kwilundumika ulengela kwituntula.+ 19  Kyawama kwipelula* mu bakimote+Kukila kwabana bipukulwa bya bantu belundumika. 20  Awa ulangulukishapo pa bintu ukamona byawama,Kabiji awa waketekela mwi Yehoba ye wa lusekelo. 21  Muntu uji na muchima wa maana bakamutela’mba ye ukwatakanya bintu,+Ne yewa uji na ñambilo yawama* witabisha bantu.+ 22  Maana yo nsulo ya bumi ku boba baji nao,Pakuba bakosama bebakambula na mambo a kukosama kwabo. 23  Muchima wa muntu wa maana ulengela kanwa kanji kwamba bya maana+Kabiji witabisha bantu na byambo byanji. 24  Byambo byawama byatobala nobe jipuma ja buki,Byatobala ku mweo* kabiji bibuka bikupa.+ 25  Kuji jishinda jimweka kuwama ku muntu,Bino ko jipelela jitwala ku lufu.+ 26  Kijiika* kya wa mwingilo kimulengela kwingila na ngovuMambo nzala* yanji yo imutundaika.+ 27  Muntu wabula maana uzhiikula bintu byatama;+Ñambilo yanji iji nobe mujilo usokañana.+ 28  Kakubukubu* uleta lutobo,+Ne muntu wa luntepentepe wabanya balunda.+ 29  Muntu uba bya bukapondo wongola mukwaboNe kumutwala mu jishinda jatama. 30  Ufyeteka jiso pa kulanguluka kuba byatama. Usundumika byatunwa byanji pa kuba bintu byatama. 31  Mvwi ye munchinya wa buya*+Inge yatanwa mu jishinda ja bololoke.+ 32  Awa ubanda kuzhingila+ wawama kukila kitonzhi,Kabiji awa ubula kuzhingilazhingila* wakila muntu ushinda muzhi.+ 33  Bubale bebuta mu kyenyi,+Bino kyonse kyafuukulwa na bubale kifuma kwi Yehoba.+

Tubyambo twa munshi

Mu Kihebelu, “Kunengezha kwa muchima ko kwa muntu mwine.”
Nangwa’mba “mukumbu wawama.” Mu Kihebelu, “mukumbu wa lujimi.”
Mu Kihebelu, “aoloka.”
Mu Kihebelu, “mupashi.”
Mu Kihebelu, “Alumwina mingilo yobe kwi Yehoba.”
Mu Kihebelu, “Kuboko na kuboko.”
Nangwa’mba “kwibuchinuzhuka.”
Nangwa’mba “mweo wanji.”
Mu Kihebelu, “kwikala na mupashi wa kwipelula.”
Nangwa’mba “ñambilo itokesha ku muchima.” Mu Kihebelu, “Ne kutobala kwa byatunwa.”
Nangwa’mba “pa kwibitompa.” Monai Mutanchi.
Nangwa’mba “Mweo wa.”
Mu Kihebelu, “kanwa.”
Nangwa’mba “Ulanguluka byatama.”
Nangwa’mba “lukumo.”
Mu Kihebelu, “ulama mupashi wanji.”