Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

Amosi 9:1-15

BIJI MU BUKU

  • Luzhachisho lwa Lesa kine lukafika (1-10)

  • Mwimba wa kwa Davida bakamushimukulula (11-15)

9  Namwene Yehoba+ saka aji kwipi na kya kusokelapo bitapisho kabiji waambile’mba: “Pumai ku mutwe wa jishiki, ne bitendekesho bisakusunkena. Chibaiko mitwe ya mashiki, kabiji bakashalapo mwi abo nkebepaya na mpoko. Kafwako ukanyema, kabiji kafwako ukapuluka ne.+   Inge bakapoye panshi mu Kilende,*Kuboko kwami kukebafumyamo;Kabiji inge bakakanjile mwiulu,Nkebekizhamo.   Kabiji inge bakafyame peulu ya mutumba wa Kamela,Nkebakeba ne kwibafumyapo.+ Inge bakafyame panshi ya kalunga ka mema,Nkakambizha muloolo kwibasuma monkamwa.   Inge bakebatwale mu buzha ku balwanyi babo,Konkakwa nkakambizha mpoko, ne ayo ikebepaya;+Nkazanza meso ami pe abo ne kwiboba byatama, kechi kwibobila byawama ne.+   Mambo Nkambo Mfumu, Yehoba wa mabumba, ye ukwata kyalo,*Kuba’mba kisunguluke,+ ne bangikazhi bakyo bonse bakajila;+Kabiji kyalo kyonse kikayula nobe Mukola wa Nile,Ne kuma nobe Mukola wa Nile wa ku Ijipita.+   ‘Yenka ushimika pa kukanjijila panji mwiuluNe kulenga kishimikwa kyanji* pa ntanda;Wita mema a mu kalunga ka mema,Kuba’mba eechile pa ntanda+—Jizhina janji Yehoba.’+   ‘Anweba bena Isalela, nanchi kwi amiwa kechi muji nobe baana ba bena Kushi nenyi?’ byo byaamba Yehoba. ‘Nanchi Isalela kechi namufumishe mu kyalo kya Ijipita,+Ne bena Filishitiya kufuma mu Keleta,+ ne bena Silya kufuma mu Kila nenyi?’+   ‘Umvwai! Meso ami amiwa Nkambo Mfumu Yehoba aji pa bufumu buba bubi,Kabiji nkebonauna ne kwibufumya mu kyalo.+ Bino kechi nkavizha bonse ba mu nzubo ya kwa Yakoba ne,’ byo byaamba Yehoba.+   ‘Mambo umvwai! Mbena kupana mukambizho,Kabiji nkasunkenya ba mu nzubo ya Isalela mu bisaka byonse bya bantu,+Byonkatu muntu byo asunkenya sefwa,Kabiji kafwako jibwe jiponena panshi ne. 10  Bandengamambo bonse ba mu bantu bami bakafwa ku mpoko,Aba bamba’mba, “Bya malwa kechi bikeya kwipi nangwa kwitufikila ne.”’ 11  ‘Mu joja juba nkashimukulula mwimba* wa kwa Davida wakundukile,+Nkawamisha mwasabikile,Kabiji nkawamisha byakundukile;Nkamushimukulula ukekalatu byonka byo ajinga kala,+ 12  Pa kuba’mba bakatambule bintu byashala mu Edomu,+Ne mu bisaka byonse bitelwa pa jizhina jami,’ byo byaamba Yehoba, yenka ubena kuba bino. 13  ‘Umvwai! Moba abena kwiya,’ byo byaamba Yehoba,‘Kimye ujima kyo akataana yewa unowa,Ne yewa ufina mañanzañanza kyo akataana ubyala nkunwa;+Kabiji mitumba ikasumishanga binyu byatobala,+Ne mu tutumbatumba tonse mukakonkolokanga* binyu.+ 14  Nkabwezha bantu bami bena Isalela baji mu buzha,+Kabiji bakashimukulula mizhi yaonaikile ne kwikalamo;+Bakabyala miñanzañanza ne kutoma binyu byayo,+ Kabiji bakajima majimi a bipangwa ne kuja bipangwa byao.’+ 15  ‘Nkebajimba mu kyalo kyabo,Kabiji kechi bakebatupulamo jibijiMu kyalo kyabo kyo nebapa ne,’+ byo byaamba Yehoba Lesa wenu.”

Tubyambo twa munshi

Nangwa’mba “Shelo,” ko kuba’mba, kilende kya bantu bonse. Monai Mutanchi.
Nangwa’mba “ntanda.”
Nangwa’mba “musemi wazhinguluka.”
Nangwa’mba “tente; kafufu.”
Mu Kihebelu, “mukasungulukanga.”