Yai panembwa’mba bijipo

Yai paji ndonda ya mitwe

Bakamonyi ba kwa Yehoba

Salai mulaka Kikaonde

2 Byambo bya Moba 27:1-9

BIJI MU BUKU

  • Yotamo, mfumu wa Yuda (1-9)

27  Yotamo+ wajinga na myaka ya kusemwa 25 kimye kyo aikele mfumu, kabiji walamine mu Yelusalema myaka 16. Inanji wajinga Yelusha mwana wa kwa Zadoka.+  Waubilenga byaoloka ku meso a Yehoba, byonkatu byaubanga Uzaya shanji,+ bino aye kechi watwelelemo mu nzubo ya Yehoba ne.+ Bino bantu baubilenga byatama.  Kabiji washimikile kibelo kya peulu kya nzubo ya Yehoba,+ ne kushimikilapo byavula pa nsakwa ya Ofela.+  Washimikile ne mizhi+ mu kibunji kya mitumba kya Yuda,+ ne bishimikwa byakosa+ ne byamba+ mu jisaka.  Walwile nkondo na mfumu wa bena Amonyi+ kabiji wibashinjile, kya kuba mu yenkawa mwaka bena Amonyi bamupele matalenta* a siliva 100, ne bipimo* bya kolo bya wichi 10,000 ne a mbaale 10,000. Kabiji bena Amonyi bamupele bino mu mwaka wa bubiji ne wa busatu.+  Onkao mambo, Yotamo wakosejilengakotu, mambo wasajile* jishinda jaoloka ku meso a Yehoba Lesa wanji.  Bintu bikwabo byapichilemo Yotamo ne makondo onse o alwile ne bintu byo aubile, byanembwa mu Buku wa Bamfumu ba mu Isalela ne ba mu Yuda.+  Wajinga na myaka ya kusemwa 25 kimye kyo aikele mfumu, kabiji walamine mu Yelusalema myaka 16.+  Kepo Yotamo bamutwajile na kulaala kwalaala bashakulu banji, kabiji bamuzhiikile mu Muzhi wa Davida.+ Kabiji mwananji aye Ahaza waswaine pa bufumu.+

Tubyambo twa munshi

Talenta umo waesakana na makilogalamu 34.2. Monai bya Kulumbulula B14.
Kolo umo waesakana na malita 220. Monai bya Kulumbulula B14.
Nangwa’mba “wanengezhe.”