Mukumbu wa mu Baibolo

Baibolo waambile pa bintu bikamweshanga kufika kwa kimye kya “mpelo ya buno [bonka] bwikalo.” (Mateo 24:3) Baibolo utela kino kimye amba “moba a kupelako” ne “kimye kya ku mpelo,” nangwa “bimye bya ku mpelo.” (2 Timoti 3:1; Danyela 8:19; Easy-to-Read Version) Bintu byalondelapo bimwesha bungauzhi bwaamba pa moba a kupelako nangwa bimye bya ku mpelo:

Nanchi tubena kwikala mu “moba a kupelako” nyi?

Ee. Bintu bibena kumweka ne ndonda ibena kufikilamo bungauzhi bwa mu Baibolo bimwesha’mba moba a kupelako atendekele mu 1914. Mu yenka uno mwaka, Bufumu bwa Lesa bwatendekele kulama mwiulu, kabiji kintu kitanshi kyo bwatendekejilepo kuba ke kupanga Satana Diabola ne bandemona mwiulu, ne kwibashinkila pano pa ntanda. (Lumwekesho 12:7-12) Satana ye ubena kulengela bantu kuba byatama kabiji kino kyalengela moba a kupelako kwikala “bimye byakatazha.”​—2 Timoti 3:1.