Pa 27 May mu 2015, kipamo kya Russian Federation Ministry of Justice kyaswishishe Bakamonyi ba kwa Yehoba kunembesha Jibumba jabo mu Moscow. Bebaswishishe kunembesha jibumba jabo byo papichile myaka itanu kufuma kochi wa European Court of Human Rights (ECHR) po aambijile’mba kochi wa mu kyalo ya Moscow kechi walondejile mizhilo pa kulekesha Bakamonyi ba kwa Yehoba ne.

Byo batotolwele myaka itanu, mu 2004 kochi wa mu nkambi ya Golovinskiy District Court mu Moscow wafuukwilepo kulekesha Bakamonyi ba kwa Yehoba. Mu 2010, kochi wa ECHR wakambizhe kyalo kya Russia kuswisha Bakamonyi kunembesha jibumba jabo ne kwibafuta pa byo bebobile. Kafulumende wa kyalo kya Russia wapaine ano mali, pano bino mu uno mwaka popo bebaswisha kunembesha jibumba jabo.