Yai panembwa’mba bijipo

Yai pa mutanchi mukwabo

Bakamonyi ba kwa Yehoba

Kikaonde

Nanchi Mwaitabila mwi Yesu Nyi?

Nanchi Mwaitabila mwi Yesu Nyi?

Ee. Twaitabila mwi Yesu, aye mwine waambile’mba: “Amiwa ne jishinda ne bukine ne bumi. Kafwako wiya kwi Batata ne, poso wapichila mwi amiwa.” (Yoano 14:6) Twaitabila kuba’mba Yesu wayishile pano pa ntanda kufuma mwiulu, wapaine bumi bwanji bwalumbuluka ne kwitufwila pa kupana kitapisho kya bukuzhi. (Mateo 20:28) Lufu lwanji ne lusanguko lwalengela baji na lwitabilo mwi aye kukekala na bumi bwa myaka kulutwe. (Yoano 3:16) Kabiji twaitabila ne kuba’mba Yesu, Mfumu ubena kulama mwiulu mu Bufumu bwa Lesa, abo bukaleta katataka mutende pano pa ntanda ponse. (Lumwekesho 11:15) Kabiji mwine Yesu waambile’mba: “Batata, mambo abo bo bankila.” (Yoano 14:28) O ene mambo o tubujila kupopwela Yesu, kechi twaitabila’mba ye Lesa Wabulume bonse ne.