Som nuh ke koano an

Som nuh ke menu ahkluo

Som nuh ke koano an

Mwet Loh luhn Jeova

Kosraean

Mea God El Siyuk Nu Sesr?

Me Lutlut ak 3

Su Jisus Kraist?

Su Jisus Kraist?
  • Efu Jesus el pangpang Mwen “Siefwunu Isusla” nutin God? (1)
  • Efu el pangpang “Kas”? (1)
  • Efu Jisus el tuku fwin fwalu oanu sie met? (2-4)
  • Efu el orala menmen puspis? (5)
  • Mea Jisus el akola in oru ke pal fwasru? (6)

1 Jisus el muta in kosrao oanu sie ngun meet liki el tuku nu fwin fwalu. El pa ma orekla se meet lun God, ke ma inge fwal lan pangonyuk Mwen “siefwunnu isusla” nutin God. (Kolosse 1:15; Fwakyuk 3:14) Jisus el mukena sie Mwen su God el sifwanu orella. Jeova el orekmakin Jisus oanu “met orekma usrnguk lal” in orala ma nu kemwa in kosrao a fwin fwalu. (Soakas 8:22-31; Kolosse 1:16, 17) God el ouyepa orekmakunal oanu Met kaskas lun God. Paenang Jisus el pangpang “Kas.”—Jon 1:1-3; Fwakyuk 19:13.

2 God el supwema Mwen nutul fwin fwalu ke el filiye moul lal nu ke insiel Mary. Ke ma inge wangin papa tumal Jisus fwin fwalu. Ke sripe se inge el tia usru kutena ma koluk ku moul sesumwos. God el supwema Jisus fwin fwalu ke sripe tulo: (1) In luti kut ke ma paye ke God (Jon 18:37), (2) in kaifweung a in oaru, paenang ma inge wise nu sesr me srikasrak tu kut in fwasr ka (1 Piter 2:21), a (3) in kisekin moul lal in aksukosokye kut liki ma koluk a mise. Efu ma inge nu kemwa eneneyuk?—Mattu 20:28.

3 Ke sripen seakos lalos ke ma sap lun God, met se meet, Edam, el oru ma Baibel el pangoni “ma koluk.” Ke ma inge God el nununkel tu lan mise. El tile sun mwolanu lun God, paenang el ekla met sesumwos. Kakasrisrik el kapek matou a mise. Edam el sang nu sin tulik nutul nu kemwa ma koluk oanu me usru lalos. Paenang kut nu kemwa wi pa kapek matou, mas, a mise. Fuka ku in molela met nu kemwa?—Rom 3:23; 5:12.

4 Jisus el sie met sumwosmwos oanu Edam. Tusruktu, tia oanu Edam, Jisus el sumwosmwos na paye ke akos lal nu sin God ye me srifwe upa. Ke sripe se inge el ku in kisekin moul sumwosmwos lal in molela ma koluk lal Edam. Baibel el pangon ma inge “lango.” Ke sripe se inge tulik nutul Edam nu kemwa ku in aksukosokyeyuk liki selnga lun mise. Elos nu kemwa su filiye lalalfongi lalos nu sel Jisus ku in eis nunuk munas nu ke ma koluk lalos a eis moul ma patpat.—1 Timote 2:5, 6; Jon 3:16; Rom 5:18, 19.



Toeni nu ke orekma lun forfor lal Jisus pa orekma in luti, orala menmen, a kisekin moul lal kasr

5 Ke pal se ma el muta fwin fwalu Jisus el akkeye met mas, kite met musrensral, a akmisye paka se. El ouyepa akmoulyeak met mise. Efu el orala menmen puspis? (1) El pulakin pakoten nu sin met keok, a el lungse in kasrelos. (2) Menmen lal me akpayeye la el Mwen nutin God. (3) Ma inge nu kemwa akkalemye ma el akola in oru nu sin met pusisel el fwin mutamwauk in liaung oanu sie Togusra fwin fwalu.—Mattu 14:14; Mark 2:10-12; Jon 5:28, 29.

6 Jisus el mise a akmoulyeyuk sin God oanu sie ngun, a el folokla nu in kosrao. (1 Piter 3:18) Mutamwauk ke pal se el som nu in kosrao, God el orella sie Togusra. Kitin pal lula Jisus el kunausla ma koluk nu kemwa a me keok fwin fwalu se inge.—Sam 37:9-11; Soakas 2:21, 22.