Som nuh ke koano an

Som nuh ke menu ahkluo

Som nuh ke koano an

Mwet Loh luhn Jeova

Kosraean

Mea God El Siyuk Nu Sesr?

Me Lutlut ak 4

Su Devil?

Su Devil?
  • Setan su Devil—el tuku ya me? (12)
  • Fuka Setan el keapela metu? (3-7)
  • Efu kom enenu in lain Devil? (7)

1 Kas se “devil” kalmekin sie met su sramsram ma kikiap lain nu sin siepa met. Kas se inge “Setan” kalmekin met lokwalok ku met lain. Pa inge kas su etukyung nu sin met lokwalok emeet lun God. Ke mutamwauk, el sie lipufon sumwosmwos in kosrao yurin God. Tusruktu, tok el nunku yok ke ma lal sifwanu a el lungse alu su fwal mukena in orek nu sin God.—Mattu 4:8-10.

2 Lipufon se inge, Setan, el sramsram nu sel If ke inkanek lun serpent soko. Ke sramsram kikiap lal nu sel, el moklel in seakos God. Ke ma inge Setan el lain “sumwos lun God in kol,” ku mwal lal oanu Ku Liki Ku. Setan el sang alollo ke inkanek in kol lun God fwin ma inge sumwos ku tia a ke insemwomwo na paye lun met su muta ye koko lal ku tia. Setan el ouyepa sang alollo fwin oasr kutena met su ku in muta na oaru nu sin God. Ke pal se ma el oru ou inge, Setan el sifwanu orel met lokwalok luk God. Paenang el sifwanu pangonyuk Setan su Devil.—Genesis 3:1-5; Job 1:8-11; Fwakyuk 12:9.

3 Setan el srike in keapela met tu elos in alu nu sel. (2 Korint 11:3, 14) Sie inkanek lal in keapella met pa ke alu kikiap. Fwin sie alu el luti ma kikiap ke God, el orekma oana fwal nu ke akmwuk lal Setan. (Jon 8:44) Saap met puspis su wi ke alu kikiap elos lalalfongi na paye la elos alu nu sin God. Tusruktu ke ma paye elos kulansap nu sel Setan. El ‘god lun fwal se inge.’—2 Korint 4:4.

Alu kikiap, orekma lun inutnut, a lungse ke mutanfwal keapela metu

4 Orekma lun inutnut, siepa inkanek lal Setan in filiye met ye ku lal. Saap elos pangon ngun puspis in kurunginelos, in akkeokye kutu met, in orek susfwe in etu ke pal fwasru, ku in orala menmen. Ma inge nu kemwa tuku ke ku fokfok lal Setan. In akinsmwomwoye God, kut enenu in fwasr liki orekma lun inutnut.—Duteronomi 18:10-12; Orekma 19:18,19.

5 Setan el ouyepa keapela met ke inkanek lun insefulat ke sripen sruf lun sie met a ke sripen alu lun sie met ke sie u lun politic. Kutu met elos pulakin la mutanfwal ku sruf lalos mwo liki ma oasr yurin kutu met. Tusruktu ma inge tia paye. (Orekma 10:34, 35) Kutu sin met elos filiye fwinsrak lalos nu ke kutu u lun politic in aksumwosye ma upa lun met. Ke pal se ma elos oru ou inge, elos sisla Togusrai lun God. Su ma se inge mukefwunnu ku in wise misla paye nu ke ma upa nu kemwa.—Daniel 2:44.

Lain Setan ke kom tafwela in lutlut kel Jeova

6 Siepa inkanek lal Setan in keapela met pa ke inkanek lun me srifwe ke kena koluk. Jeova el akkalemye nu sesr la kut enenu in fwasr liki orekma koluk meyen ma inge akkulokye kut. (Galetia 6:7, 8) Saap kutu met elos lungse kom in wilulos ke kain in orekma inge. Tusruktu, esam la, Setan pa lungse kom in oru ma inge nu kemwa.—1 Korint 6:9, 10; 15:33.

7 Saap Setan el orekmakin kolyai ku me lain tu kom in forla liki Jeova. Saap kutu sin met su kom lungse elos fwa arulanu koskosrok meyen kom lutlut Baibel. Kutu sin met elos aksroksrok koluk nu sum. Tusruktu su sropon moul lom? Setan el lungse in aksangengye kom tu kom in tui ke lutlut lom kel Jeova. Nikmet lela Setan in kutangla! (Mattu 10:34-39; 1 Piter 5:8,9) Ke kom lain Devil, kom oru Jeova in engun a kom akkalemye la kom tu liyen sumwosmwos lal in kol.—Soakas 27:11.