Som nuh ke koano an

Som nuh ke menu ahkluo

Som nuh ke koano an

Mwet Loh luhn Jeova

Kosraean

Mea God El Siyuk Nu Sesr?

Me Lutlut ak 11

Lalalfongi a Fasin Puspis Su Tia Akinsemwomwoye God

Lalalfongi a Fasin Puspis Su Tia Akinsemwomwoye God
  • Kain in lalalfongi a fasin fuka tia sumwos? (1)
  • Ya fwal nu sin met Kristian in lalalfongi la God el Trinity? (2)
  • Efu met Kristian paye elos tia akfulatye Christmas, Easter, ku birthday? (34)
  • Ya met mise ku in akkolukye met moul? (5)
  • Ya Jisus el mise ke sakseng? (6)
  • Efu arulanu yok sripe in akinsemwomwoye God? (7)

God el tia sie Trinity

1 Tia kain in lalalfongi nu kemwa a fasin koluk. Tusruktu God el tia insese ke ma inge fwin ma tuku ke alu kikiap ku el fwin lain luti lun Baibel.—Mattu 15:6.

2 Trinity: Ya Jeova el sie Trinity—met tulo in God siefwunnu? Mo! Jeova, el su Papa, el pa “God paye mukefwunnu.” (Jon 17:3; Mark 12:29) Jisus el Mwen siefwunnu isusla nutul, a el pusisel nu sin God. (1 Korint 11:3) Papa el yok liki Mwen. (Jon 14:28) Ngun mutal el tia met se; el ku lun God.—Genesis 1:2; Orekma 2:18.

Christmas a Easter tuku ke alu kikiap in pal meeta
Wangin sripe paenang in alu nu sin met mise ku in sangeng selos

3 Christmas a Easter: Jisus el tia isusla ke December 25. El isusla apkurun nu ke October 1, sie pal su ku in orala met seperd in kurunganang sip nutulos likin loomu ke eku. (Luk 2:8-12) Jisus el tia sapkin nu sin met Kristian ke kutena pal in akfulatye len in isusla lal. A, el sapkin nu sin met tumal lutlut lal in akfulatye ku esam, len in mise lal. (Luk 22:19, 20) Christmas a fasin lal tuku ke alu kikiap in pal meeta. Oupanu fasin ke Easter, oanu orekmakinyen atro a rabbit. Met Kristian in pal meeta elos tia akfulatye Christmas ku Easter, oupanu met Kristian ke len lasr.

4 Birthday: Akfulat luo ke Birthday su sramsramkin ke Baibel orekla sin met su tia kulansap nu sin Jeova. (Genesis 40:20-22; Mark 6:21, 22, 24-27) Met Kristian in pal meeta elos tia akfulatye birthday. Fasin ke akfulat lun birthday tuku ke alu kikiap in pal meeta. Met Kristian elos sang me sang lalos a tukeni insemwomwo ke kutu pal ke lusen yiu se nu fon.

5 Sangeng sin met mise: Met mise el tia ku in oru kutena ma ku pulakin kutena ma. Kut tia ku in kasrelos a elos tia ku in akngalye kut. (Sam 146:4; Ekklisiastis 9:5, 10) Ngun el ku in mise; el tia tafwela in moul tukun sie met el mise. (Ezekiel 18:4) Tusruktu kutupal lipufon koluk, su pangpang dimon, elos oru lumalos in oanu ngunin met mise. Kutena fasin su akkalemye sangeng ku in alu nu sin met mise arulanu sesumwos.—Isaia 8:19.

6 Sakseng: Jisus el tia mise ke sakseng. El mise ke sak soko, ku ulin saku. Kalmen kas Grik inge su langasyukla nu ke “sakseng” ke Baibel puspis pa ipen sak soko. Akul lun sakseng tuku ke alu kikiap in pal meeta. Met Kristian elos tia orekmakin ku alu nu ke sakseng in pal meeta. Ke ma inge, kom nunku mu sumwos in orekmakin sakseng ke alu?—Duteronomi 7:26; 1 Korint 10:14.

7 Saap arulanu upa in sisla kain in lalalfongi a fasin puspis inge. Saap sou a kamwuk lom elos srike in sramsram nu sum in ekulla lalalfongi lom. Tusruktu in akinsemwomwoye God yok liki akinsemwomwoye met.—Soakas 29:25; Mattu 10:36, 37.