Som nuh ke koano an

Som nuh ke menu ahkluo

Som nuh ke koano an

Mwet Loh luhn Jeova

Kosraean

Mea God El Siyuk Nu Sesr?

Me Lutlut ak 7

Futoto nu Sin God ke Inkanek lun Pre

Futoto nu Sin God ke Inkanek lun Pre
  • Efu arulanu yok sripe in pre pal nu kemwa? (1)
  • Nu sin su kut enenu in pre a efu? (23)
  • Mea ma kut ku in siyuk ke pre? (4)
  • Nge kom enenu in pre? (56)
  • Ya God el long pre nu kemwa? (7)

1 Pre pa sie inkanek pusisel in sramsram nu sin God. Kom enenu in pre nu sin God pal e nu kemwa. Ke ma inge kom ku in pulakin futoto nu sel oanu sie kamwuk kulu. Jeova el fulat a ku tusruktu el long pre lasr! Ya kom pre nu sin God pal e nu kemwa?—Sam 65:2; 1 Tessalonika 5:17.

2 Pre el wi ipen alu lasr. Ke ma inge, kut enenu in pre mukena nu sin God, Jeova. Ke pal se ma Jisus el muta fwin fwalu, el pre pal nu kemwa nu sin Papa tumal, tia nu sin kutena ma. Kut enenu pa in oru oupanu. (Mattu 4:10) Tusruktu, pre nu kemwa kut enenu in fwak in en Jisus. Ma inge akkalemye la kut akfulatye mwal lal Jisus a kut lalalfongi ke me kise lal.—Jon 14:6; 1 Jon 2:1, 2.

3 Kut fwin pre kut enenu in sramsram nu sin God ke insiesr kemwa. Kut tia enenu in fwak ke pre lasr ke inkanek se ma kut kalweni na ma kut esam ku kut rid ke buk in pre. (Mattu 6:7, 8) Kut ku in pre ke kutena luma a oiye su akkalemye sunak, ke kutena pal a ke kutena an. God el ku in long fwinne pre su wangin pusra a ma se ma akkalemyeyuk ke paye lun insiesr. (1 Samuel 1:12, 13) Sie inkanek mwo in suk sie an misla su loes liki kutu met kut fwin oru me siyuk lasr sifwanu ke pre.—Mark 1:35.

4 Mea kom ku in siyuk ke pre? Kutena ma su ku in akkeye moul in kamwuk lasr nu sel. (Filippai 4:6, 7) Me srikasrak ke pre akkalemye la kut enenu in pre ke en Jeova a ke akmwuk lal. Kut ku in ouyepa siyuk ke ma enenu lasr in ikwe, nunuk munas nu ke ma koluk lasr, a ke kasru tu kut in ku in lain me srifwe. (Mattu 6:9-13) Pre lasr tia enenu in akkalemye rapku. Kut enenu in pre mukena ke ma puspis su fwal nu ke lungse lun God.—1 Jon 5:14.

5 Kom ku in pre pal nu kemwa insiom mokle kom in sang kulo ku sang kaksak nu sin God. (1 Kronikel 29:10-13) Kom enenu in pre fwin oasr ma upa lom a lalalfongi lom fwin srifweyuk. (Sam 55:22; 120:1) Arulanu fwal pa in pre meet liki kom mongo. (Mattu 14:19) Jeova el suli kut in pre “pal e nu kemwa.”—Efesus 6:18.

6 Yokna kut enenu in pre kut fwin oru ma koluk upa. Ke pal inge kut enenu in kaifweung in siyuk ke pakoten lun Jeova a nunuk munas lal. Kut fwin fwakak ma koluk lasr nu sel a kut kaifweung in tia sifwil oru ma inge, God el “akola in nunuk munas” nu sesr.—Sam 86:5; Soakas 28:13.

7 Jeova el long mukena pre lun met sumwos. Kom fwin lungse pre lom in longyuk sin God, kom enenu in kaifweung ke ku lom nu kemwa in akos ma sap lal. (Soakas 15:29; 28:9) Kom enenu in akkalemye inse pusisel kom fwin pre. (Luk 18:9-14) Kom enenu in orekma fwal nu ke ma kom siyuk ke pre. Ke ma inge, kom ku in akpayeye la oasr lalalfongi lom a kom lungse na paye in eis ma kom siyuk. Fwin ou inge Jeova el fwa long pre lom.—Hibru 11:6.