Som nuh ke koano an

Som nuh ke menu ahkluo

Som nuh ke koano an

Mwet Loh luhn Jeova

Kosraean

Mea God El Siyuk Nu Sesr?

Me Lutlut ak 12

Akkalemye Sunak ke Moul a Sra

Akkalemye Sunak ke Moul a Sra
  • Mea nunuk lasr ke moul? (1) in uniye awowo ke elos srakna muta ke insien nine? (1)
  • Fuka met Kristian elos akkalemye la elos kurunganang na paye moul lalos? (2)
  • Ya tia mwo in uniye kosro? (3)
  • Mea kutu orekma su tia akkalemye akfulat ke moul? (4)
  • Mea ma sap lun God ke sra? (5)
  • Ya toeni nu ke ma sap inge pa in tia eis sra? (6)

1 Jeova el sropon moul. Moul lun ma orekla nu kemwa tuku sin God. (Sam 36:39) Moul arulanu mutal sin God. Fwinne moul lun awowo su sonna isusla a srakna muta ke insien nine kiel arulanu saok nu sin Jeova. In uniye awowo se inge arulanu koluk ye mutun God—Exodus 21:22, 23; Sam 127:3.

In akinsemwomwoye God, kut enenu in fwasr liki etuk sra, orekma fokfok, a kutu orekma su filiye moul lasr ke me sensen

2 Met Kristian paye nu kemwa elos nunuk yok fuka in kurunganang moul lalos. Elos kaifweung na paye in orala sitosa lalos a loom selos in wangin me sensen ke moul. (Duteronomi 22:8) Met kulansap lun God elos tia oru kutena orekma su filiye moul lalos ke me sensen na paye ke sripen me akengun ku me pwar. Ke sripe se inge elos tia wi ke kutena sritel koluk su ku in akngalye kutu met ke lungse lalos. Elos fwasr liki me akengun su purakak orekma silolel.—Sam 11:5; Jon 13:35.

3 Moul lun kosro saok pa ye mutun Met su Orala ma nu kemwa. Sie met Kristian el ku in uniye kosro tu lan ku in orekmakin oanu me mongo, nuknuk, ku in kurunganang moul lal liki mas a me sensen. (Genesis 3:21; 9:3; Exodus 21:28) Tusruktu tia sumwos in silolel nu ke kosro ku in unilosla ke sripen sritel ku me akengun.—Soakas 12:10.

4 Sismok, kang fokin kutar, a orekmakinyen ono koluk in akinsemwomwoyelos sifwanu ma inge tia orekma lun met Kristian. Kain in orekma inge nu kemwa tia sumwos meyen (1) ma inge oru kut in oanu met kulansap lalos, (2) ma inge akkoluk manosr, a (3) fokfok. (Rom 6:19; 12:1; 2 Korint 7:1) Arulanu upa in sisla kain in orekma koluk inge nu kemwa. Tusruktu kut enenu in oru tu in akinsemwomwoye Jeova.

5 Sra ouyepa mutal ye mutun God. God el fwak la moul, oan in sra. Ke sripe se inge tianu sumwos in mongo sra. Tia pa sumwos in mongo ikwen kosro su sral tia surorla liki manol. Fwin kosro soko el loksakla ku el mise ke sie me sruf, na el tia fwal in kangyuk. Fwin anwuki ke me pakpuk ku likisik, enenu in silaklak in aksuroryela sral ka, fwin me mongo lun met.—Genesis 9:3, 4; Liviticus 17:13, 14; Orekma 15:28, 29.

6 Ya tia sumwos in eis sra a filiye ke manosr? Esam, Jeova el siyuk nu sesr in fwasr liki sra. Kalmen ma inge pa kut tia ituk ku filiye ke manosr sran kutena met ke kutena inkanek ku fwinne sran manosr sifwanu su etukla tari liki kut, kut tia ku in sifwil eis. (Orekma 21:25) Ke sripe se inge met Kristian paye elos tia eis sra a filiye ke manolos. Elos eis kutu ono, oanu kutu ono su tia tuku ke sra elos ku in lela in filiye ke manolos. Elos lungse in moul, tusruktu elos tia srike in molela moul lalos ke inkanek in kunausla ma sap lun God.—Mattu 16:25.