Som nuh ke koano an

Som nuh ke menu ahkluo

Som nuh ke koano an

Mwet Loh luhn Jeova

Kosraean

Pweng Wo Sin God Me!

 MWE LUTLUT AHK 14

Efuh Oasr U Sefanna ke Mwet Kuhlwacnsap luhn God?

Efuh Oasr U Sefanna ke Mwet Kuhlwacnsap luhn God?

1. Efuh God el oracni mwet Israel nuh sie in eklac mwet lal?

God el oracni tuhlihk ke fihl nahtuhl Abraham nuh ke muhtuhnfacl se ac sang ma sap nuh seltahl. El pahngon muhtuhnfacl se inge “Israel.” Eltahl pa muhtuhnfacl sefanna ma fahsr fal nuh ke alu pwacye ac orekmakihn Kahs luhn God. (Psalm 147:19, 20) Pwacnacng, oasr ma wo suc mwet in muhtuhnfacl nuhkewa sahye kuh in lotelah ke mwe srihkasrak luhn mwet Israel.Riti Genesis 22:18.

God el sulaclah mwet Israel eltahl in mwet loh lal. Ma sikyak nuh seltahl in pacl meet ah ahkkahlwemye lah mwet uh kuh in eis mwe insewowo ke eltahl ahkos ma sap luhn God. (Deuteronomy 4:6) Ke srihpac se inge, mwet uh kuh in etwaclah God pwacye ke eltahl tuni ac lutlut ke mwet Israel.Riti Isaiah 43:10, 12.

2. Efuh oakiyucki mwet Christian pwacye nuh ke u sefanna ke pacl inge?

Tok kuhtuh, Jeova el tilac insewowo sin mwet Israel ac el orekmakihn congregation luhn mwet Christian in ahollah muhtuhnfacl se inge. (Matthew 21:43; 23:37, 38) Ke pacl inge, mwet Christian pwacye suc kuhlwacnsap oacna mwet loh luhn Jeova eltahl ahol acn luhn mwet Israel.Riti Orekma 15:14, 17.

Jesus el oracni mwet tuhma lutlut lal nuh sie eltahl in fahkwack pweng wo nuh sin mwet ke muhtuhnfacl nuhkewa ac in lotweltahl in ahkos ma sap lal. (Matthew 10:7, 11; 24:14; 28:19, 20) Ke kuht oasr ke sahflahiyen facl kuluk se inge, orekma in fahkwack uh apkuhran in sahflah. Jeova el oracni mwet ke muhtuhnfacl nuhkewa. Ke pacl inge, million sin mwet ke muhtuhnfacl nuhkewa eltahl tuhkweni nuh ke alu pwacye. (Fwackyuk 7:9, 10) Mwet Christian pwacye eltahl tuhkweni ke u sefanna in ahkkweye ac kahsruh sie sin sie. Fin facluh nohfohn, eltahl engankihn oakwuck in lutlut Bible sefanna ke pacl in miting laltahl.Riti Hebrew 10:24, 25.

 3. Mwet Loh luhn Jeova suc oasr ke pacl inge eltahl muhtwacwack fuhkah?

Ke yac 1870 kuhtuh, u srihsrihk se ke mwet lutlut Bible eltahl konwacack ma pwacye ke Bible suc tiac orekmakihnyuck. Eltahl etuh lah Jesus el oakiyac congregation luhn mwet Christian tuh eltahl in luti mwet uh, pwacnacng eltahl oruh orekma in fahkwack fin facluh nohfohn ke Tohkohsrahi. Ke yac 1931 eltahl muhtwacwack orekmakihn ine se inge Mwet Loh luhn Jeova.Riti Orekma 1:8; 2:1, 4; 5:42.

4. Oakiyucki fuhkah Mwet Loh luhn Jeova?

Tukun Jesus el misac, congregation luhn mwet Christian ke muhtuhnfacl pucspucs eltahl eis kahsruh ke kolyuck luhn un mwet sap ac mwet mahtuh. U se inge akihlen lah Jesus pa Sifen congregation. (Orekma 16:4, 5) Oacpacna nuh mihsenge, Mwet Loh luhn Jeova eis mwe kahsruh ke kolyuck luhn Un Mwet Elder suc karihngihn congregation nuhkewa fin facluh. U se inge karihngihn office nuhkewa luhn Mwet Loh luhn Jeova ma luhngas, print, ac kihte mwe rit pucspucs suc tuhkuh ke Bible, ahluhkwelah kahs 600. Ke srihpac se inge, un mwet elder inge use kahs in ahkkweye ac kahsruh suc tuhkuh ke Bible nuh sin congregation 100,000 kuhtuh fin facluh nohfohn. Ke kais sie congregation, oasr mukul ma fal in kuhlwacnsap oacna mwet elder, kuh mwet liyacacng. Mukul inge nuhkewa karihngihn ac liyacacng un mwet luhn God.Riti Sie Peter 5:2, 3.

Mwet Loh luhn Jeova oakiyucki in fahkwack pweng wo ac in oruh mwet tuhma lutlut. Oacna mwet sap in pacl meet ah, Mwet Loh luhn Jeova uh som luti ke kais sie lohm. (Orekma 20:20) Kuht oacyacpac luhngse in lutlut Bible nuh sin mwet suc luhngse in etuh ma pwacye. Tuhsruhktuh, Mwet Loh luhn Jeova uh sie u na wowo. In wekuhnacng, kuht sucu sefanna ye luhngse luhn Pahpah tuhmasr. Kuht oacna tamuhlel ac tahmtahel suc lohacng nuh ke enenuh luhn mwet wiyacsr. (Luo Thessalonica 1:3) Ke srihpen oakiyucki mwet luhn Jeova inge in ahkinsewowoyacl ac in kahsruh mwet sahyac, eltahl pa sucu se ma insewowo emeet fin facluh.Riti Psalm 33:12; Orekma 20:35.