Som nuh ke koano an

Som nuh ke koano an

Mwet Loh luhn Jeova

Sulaclah Kahs Kosraean

 MWE LUTLUT AHK 15

Efuh Wo Kom In Tahfwelah Lutlut Kacl Jeova?

Efuh Wo Kom In Tahfwelah Lutlut Kacl Jeova?

1. Ma wo fuhkah kom kuh in eis ke kom tahfwelah lutlut lom ke Bible?

Wacngihn ahlohloh kac lah ma kom lotelah ke mwe rit se inge ahkyohkye luhngse lom nuh sin Jeova. Tuhsruhktuh kom enenuh in tahfwelah ac kacfweacng in ahkyohkye luhngse se inge. (Sie Peter 2:2) Ke kom tahfwelah in lutlut ke Kahs luhn God, kom ac kuh in fototo nuh sin God ac eis finsrak nuh ke moul ma pahtpaht.Riti John 17:3; Jude 21.

Ke etwacack lom ke God yohkwelihk, luhlahlfongi lom uh ac kuhi. Luhlahlfongi uh ac kuh in kahsre kom in ahkos God. (Hebrew 11:1, 6) Ac fah oacyacpac mokle kom in auliyak ac ekuhllah moul lom.Riti Orekma 3:19.

2. Meac kom kuh in oruh in kahsruh mwet sahyac ke ma kom lotelah ke God?

Kom kuh in fototo na pwacye nuh sin Jeova

Pwacye lah kom ke ahkkahlwemye ma kom lotelah uh nuh sin mwet sahyac, mweyen kuht nuhkewa engan in sruhmuhn ma wo uh. Ke kom tahfwelah lutlut lom, kom ac kuh in orekmakihn Bible in ahkuhtweyac luhlahlfongi lom kacl Jeova ac ke pweng wo.Riti Rome 10:12-15.

Inkaiyen mwet uh muhtwacwack sruhmuhn pweng wo ke pacl se meet nuh sin kawuck kuh sucu laltahl. Nuhnkuh ke ma mwet sahyac uh puhla. Kom tiac enenuh in fahk muh suhtuh alu laltahl, tuh kom kuh in sruhmuhn nuh seltahl wuhlelah pucspucs luhn God. Oacyacpac, tiac muhlkuhnlah lah mwet uh kwacna esam ohiyom liki na ma kom fahk uh.Riti Luo Timothy 2:24, 25.

3. Meac kom kuh in engankihn ke kom fototo nuh sin God?

Lutlut lom ke Kahs luhn God ac fah kahsre kom in ahkyohkye etwacack lom ke God. Ke kom oruh ma inge, kom ac fah fototo  nuh sin Jeova. Ac kom kuh pac in oacna sie mwet in sucu lal.Riti Luo Corinth 6:18.

4. Meac kom enenuh in oruh in kapkapack?

Ke kom tahfwelah in lutlutkihn Kahs luhn God, ma inge ac kahsre kom in orekmakihn mwe luti inge nuhkewa ke moul lom. (Hebrew 5:13, 14) Siyuck sin sie Mwet Loh luhn Jeova in lutlut Bible nuh sum ke puk se inge Mea Baibel el Luti Na Paye? Fin yohkwelihk etwacack lom ke God, insewowo lom ke moul ac fah yohkwelihk pac.Riti Psalm 1:1-3; 73:27, 28.

Pweng wo uh tuhkuh sin Jeova me, “God suc insewowo.” (Sie Timothy 1:11 BMK) Kom kuh in fototo nuh sel ke kom fototo nuh sin mwet lal. (Hebrew 10:24, 25) Kom suk in eis moul ma pahtpaht ke kom kacfweacng in ahkos Jeova. Ma se ma wo emeet kom in oruh pa in ahkfototoye kom nuh sin Jeova.Riti Sie Timothy 6:19.