Som nuh ke koano an

Som nuh ke menu ahkluo

Som nuh ke koano an

Mwet Loh luhn Jeova

Kosraean

Pweng Wo Sin God Me!

 MWE LUTLUT AHK 3

Yac Pweng Wo Ma Tuhkuh Sin God Me Na Pwacye?

Yac Pweng Wo Ma Tuhkuh Sin God Me Na Pwacye?

1. Suc Oraclah Bible?

Sihmihsyucklac in Bible pweng wo inge in ahkkahlwemye lah mwet uh kuh in moul ma pahtpaht fin facluh. (Psalm 37:29) Bible uh oreklac ke puk srihsrihk 66. God el orekmakihn mwet oaru 40 in suhmuhslah ma inge nuhkewa. Puk lihmekohsr emeet ingacn sihmihsyucklac sel Moses ke yac 3,500 kuhtuh somlah. Mwet sap John el suhmuhslah puk sahflah sac ke yac 1,900 somlah. Luhn suc nuhnak ma mwet sihm luhn Bible inge suhmuhslah uh? God el kahskahs nuh sin mwet sihm pucspucs luhn Bible ke inkacnek luhn nguhn muhtahl lal. (Luo Samuel 23:2) Eltahl suhmuhslah nuhnak luhn God ac tiac nuhnak laltahl sifacna. Ke ma inge, Jeova pa oraclah Bible.Riti Luo Timothy 3:16; Luo Peter 1:20, 21.

2. Kuht etuh fuhkah lah Bible uh tuhkuh sin God me?

Kuht etuh lah ma sin God me mweyen arlacna suwohs pacl nuhkewa ma Bible uh palye ke pacl fahsruh uh. Wacngihn sie mwet kuh in oruh ma inge. (Joshua 23:14) God fuhlwactlacna muhkwena pa kuh in palye ma ac sikyak nuh sin mwet uh ke pacl fahsruh uh.Riti Isaiah 42:9; 46:10.

Ahok fin Bible uh tuhkuh sin God me, pwacye lah wacngihn ma oacna. Ke kahs 450 kuhtuh, oasr billion pucspucs ke pihsen Bible ma kihtakatlah nuh sin mwet uh. Finne sihmihsyucklac in pacl meet ah, Bible uh fal nuh ke mwe luti luhn science suc ahkpwacyeyuck tari. Ac ma nuhkewa suc mwet sihm 40 inge eltahl suhmuhslah uh tiac lain sie sin sie. * Sahyen ma inge, luhngse luhn God pa ahkkahlwemyeyuck yohk in Bible, ac ma inge kuh in ekuhllah ohiyacn moul luhn mwet uh. Ke srihpac se inge million pucspucs sin mwet uh luhlahlfongi na pwacye lah Bible pa Kahs luhn God.Riti Sie Thessalonica 2:13.

 3. Meac koanon Bible?

Sie sihfac yohk srihpac luhn Bible pa pweng wo ke oakwuck wolacna luhn God nuh sin mwet uh. Bible uh ahkkahlwemye lah fuhkah nwe tuhlac pacl wowo luhn mwet uh in moul ke paradise fin facluh, ac lah fuhkah paradise inge fah sifwil pac oakiyucki.Riti Fwackyuk 21:4, 5.

Oasr pac kain in ma sap, oakwuck wo, ac kahs in kahsruh. In wekuhnacng, Bible uh ahkkahlwemye mwe srihkasrak ke ohiyac pucspucs suc God el oruh nuh sin mwet in pacl meet ah. Ke mwe srihkasrak inge, kuht kuh in lotelah ohiyac wowo pucspucs luhn God. Bible uh ahkkahlwemye pac lah fuhkah kuht kuh in kawuck luhn God.Riti Psalm 19:7, 11; James 2:23; 4:8.

4. Fuhkah kom kuh in kahlwem ke Bible?

Mwe rit se inge kuh in kahsre kom in kahlwem ke Bible ke inkacnek pacna ma orekmakihnyuck sel Jesus. Pacl nuhkewa el orekmakihn ma sihmlac in Bible, el ahkuhtweyac kalmacn “Ma Suhmuhslah uh.”Riti Luke 24:27, 45.

Pweng wo suc tuhkuh sin God uh wo na pwacye liki kuhtwena ma sahyac. Tuhsruhktuh, oasr mwet pucspucs suc tiac engan kac, ac oasr pac mwet ma sruhnga. Nik kom lwelah elos in ahkmuhnahsye kom. Kom in eis finsrak nuh ke moul ma pahtpaht, orekma wo lom in etuh God enenweyuck.Riti John 17:3.

 

^ par. 3 Liye mwe rit se inge A Book for All People.