Som nuh ke koano an

Som nuh ke menu ahkluo

Som nuh ke koano an

Mwet Loh luhn Jeova

Kosraean

Pweng Wo Sin God Me!

 MWE LUTLUT AHK 7

Meac Se Inge Tohkohsrahi Luhn God?

Meac Se Inge Tohkohsrahi Luhn God?

1. Meac se inge Tohkohsrahi luhn God?

Efuh kuh Jesus el fal in Tohkohsrah?MARK 1:40-42.

Tohkohsrahi luhn God pa sie government inkuhsrao. Ac fah ahollah government nuhkewa sahyac ac God el ac fah orekmakihn ma inge in ahkfahsrye ma luhngse lal inkuhsrao ac fin facluh. Arlacna wo lah God el ac fah orekmakihn Tohkohsrahi lal uh ke inkacnek inge. Ke pacl na sa, Tohkohsrahi luhn God ac use kain in government ma kuht ke na pwacye ac tuhpan kac inge. Ma inge ac oruh mwet nuhkewa suc muhta fin facluh in inse sefanna.Riti Daniel 2:44; Luke 11:2; Matthew 24:14.

Ke tohkohsrahi nuhkewa, oasr tohkohsrah se. Jeova el srihsrngiyac Wen nahtuhl, Jesus Christ, tuh in el pa Tohkohsrah ke Tohkohsrahi Lal.Riti Fwackyuk 11:15.

2. Efuh kuh Jesus el fal in Tohkohsrah?

Wen nuhtin God pa fal in Tohkohsrah ke srihpen el kuhlwacng ac el tu na kuh ke ma suwohs uh. (John 1:14) Oacyacpac, oasr kuh lal in kahsruh mwet ke el ac fah muhta in kuhsrao ac kol facluh. Tukun Jesus el ahkmoulyeyuckyak, el som nuh in kuhsrao ac muhta sano ke lacpo lacyot sin Jeova. (Hebrew 10:12, 13) Na, God el sang kuh nuh sel el in muhtwacwack kol.Riti Daniel 7:13, 14.

3. Suc ac weluhl Jesus kol?

Sie u suc pahngpahng “mwet luhn God [“mwet muhtahl,”NW]” ac fah weluhl Jesus kol in kuhsrao. (Daniel 7:27) Mwet muhtahl emeet suc suleyucklac uh pa mwet sap oaru nuhkewa lal Jesus. Nwe mihsenge, Jeova el tahfwelah na in sulaclah mukul ac muhtwacn oaru in oacna mwet muhtahl.  Oacna Jesus, mwet inge ahkmoulyeyuckyak ke sie mahno in ngun.Riti John 14:1-3; Sie Corinth 15:42-44.

Mwet ekahsr som nuh in kuhsrao? Jesus el pahngloltahl oacna “u srihsrihk.” (Luke 12:32) Pihsacltahl oasr ke 144,000. Eltahl ac fah weluhl Jesus kol facluh.Riti Fwackyuk 14:1.

4. Meac sikyak ke pacl se Jesus el muhtwacwack in kol?

Tohkohsrahi luhn God muhtwacwack in kol ke yac 1914. * Orekma se meet Jesus el oruh oacna sie Tohkohsrah pa in sisuhllah Satan ac lipufacn kuluk nuhkewa lal nuh facluh. Satan el arlacna kasrkuhsrak ac el muhtwacwack ahkfohsye mwet fin facluh nohfohn. (Fwackyuk 12:7-10, 12) Ke pacl sac me, mwe kweok luhn mwet uh lihksreni na yohkwelihk. Mweun, sracl, mas upac, ac kusrusr nuhkewa pa mwe “akucl” lah ke pacl na sa Tohkohsrahi ac fah kol facluh nohfohn.Riti Luke 21:7, 10, 11, 31.

5. Meac Tohkohsrahi luhn God ahkpwacyeye?

Ke orekma in fahkwack pweng wo fin facluh nohfohn, Tohkohsrahi luhn God oracni sie u luhlahp ke kain in mwet ke muhtuhnfacl nuhkewa. Ac oasr inse sefanna ac mislac inmahsrloltahl. Million sin mwet puhsisacl inge tuhkuh nuh ke Tohkohsrahi luhn God ye kolyuck luhn Jesus. Tohkohsrahi luhn God ac fah karihngihn mwet inge ke pacl se kuhnanuclac oakwuck kuluk se kuht oasr kac fin facluh inge. Pwacnacng eltahl nuhkewa suc luhngse in eis mwe insewowo ke Tohkohsrahi luhn God enenuh in lutlut tuh eltahl in mwet ahkostwen nuh sin Jesus.Riti Fwackyuk 7:9, 14, 16, 17.

Ke lusen yac 1,000, Tohkohsrahi se inge ac fah ahkpwacyeye oakwuck luhn God nuh sin mwet uh ke muhtwacwack ah me. Facluh nohfohn ac fah eklac sie paradise. Ac tukun ma inge nuhkewa, Jesus el ac fah fohlohkuhnacng Tohkohsrahi inge nuh sin Pahpah tuhmal. (Sie Corinth 15:24-26) Oasr mwet kom luhngse in sruhmuhn nuh se ke Tohkohsrahi luhn God?Riti Psalm 37:10, 11, 29.

 

^ par. 6 Ke kuhtuh pac mwe ahkuhtweyac ke kahs pahluh in Bible suc palye yac 1914, liye sra 246-249 ke puk inge Mea Baibel el Luti Na Paye?