Som nuh ke koano an

Som nuh ke menu ahkluo

Som nuh ke koano an

Mwet Loh luhn Jeova

Kosraean

Pweng Wo Sin God Me!

 MWE LUTLUT AHK 6

Meac Finsrak nuh sin Mwet Misac uh?

Meac Finsrak nuh sin Mwet Misac uh?

1. Meac pweng wo ke mwet misac?

Ke pacl se Jesus el sun acn Bethany, sie mura suc oan apkuhran nuh Jerusalem, Lazarus suc kawuck lal el misac lwen ahkosrlac. Pwacnacng el weluhl Martha ac Mary, suc ma wiyacn mas sac, som nuh ke kuclyuck lal ah. Ke kihtin pacl ah na, un mwet se tuhkuh pac nuh we. Kom kuh in luhmahlah ke nuhnak lom luhpan engan lal Martha ac Mary ke pacl se Jesus el ahkmoulyelack Lazarus liki misac?Riti John 11:21-24, 38-44.

Martha el etuh tari pweng wo ke mwet misac. El etuh lah Jeova el ac fah ahkmoulyeack mwet misac tuh eltahl in sifwil muhta fin facluh.Riti Job 14:14, 15.

2. Meac sikyak nuh sesr nuhkewa ke pacl se kuht misac?

God el fahk nuh sel Adam: “Kom tuh oreklac ke fohk uh, ac kom ac fah sifwil pac eklac nuh ke fohk.”GENESIS 3:19.

Mwet uh oreklac ke fohk uh. (Genesis 2:7; 3:19) Wacngihn kuhtwena ngun suc moul in kuht. Ac wacngihn pac ma suc srackna moul tukun kuht misac. Ke pacl se kuht misac uh, brain lasr uh misac pac, ac nuhnak lasr uh wacngihnlac. Pwacnacng wacngihn na ma Lazarus el fahk muh sikyak nuh sel ke pacl se ma el misac ah, mweyen wacngihn ma mwet misac uh etuh.Riti Ecclesiastes 9:5, 6, 10.

Yac God el ahkkweokye mwet uh ke e in isis tukun eltahl misac? Ke srihpen Bible uh fahk lah wacngihn ma mwet misac  uh etuh, ma na kahlwem se lah isis el sie mwe luti kikiacp suc ahkkulukye God. Nuhnak se na inge in ahkkweokye mwet ke e in isis el sie mwe sruhngacyuck sin God.Riti Jeremiah 7:31.

3. Yac mwet misac uh kuh in sramsram nuh sesr?

Mwet misac uh tiac kuh in sramsram kuh lohng. (Psalm 115:17) Tuhsruhktuh kuhtuh lipufacn uh kuluk, eltahl srihke in sramsram nuh sin mwet uh ac oruh atacltahl in luhman sie mwet misac. (Jude 6) Jeova el sruhnga kuht in sramsram nuh sin mwet misac uh.Riti Deuteronomy 18:10, 11.

4. Suc ac fah wi ahkmoulyeyuckyak?

Million pucspucs sin mwet misac inkuclyuck uh ac sifwil moulyak fin facluh. Kuhtuh sin mwet ma tiac etuh God ac oruh ma kuluk ac fah ahkmoulyeyuckyak pac.Riti Luke 23:43; Orekma 24:15.

Mwet nuhkewa ma ac sifwil moulyak ac fah kuh in eis etwacack pwacye ke God ac ahkkahlwemye luhlahlfongi laltahl nuh sel Jesus ke eltahl ahksol. (Fwackyuk 20:11-13) Eltahl nuhkewa suc oruh ma wo ke eltahl sifwil moulyak ac fah wi engankihn moul ma pahtpaht fin facluh.Riti John 5:28, 29.

5. Meac oakwuck in sifwil moulyak uh luti nuh sesr kacl Jeova?

God el sang finsrak nuh sin mwet misac in sifwil moulyak ke pacl se el suhpwacma Wen nahtuhl in misac kacsr. Pwacnacng oakwuck in sifwil moulyak luti kuht ke luhngse ac pahkotwen yohk luhn Jeova. Ke pacl se mwet misac uh sifwil moulyak, suc kom arlacna ke ohsun nuh se uh?Riti John 3:16; Rome 6:23.