Som nuh ke koano an

Som nuh ke menu ahkluo

Som nuh ke koano an

Mwet Loh luhn Jeova

Kosraean

Pweng Wo Sin God Me!

 MWE LUTLUT AHK 11

Ma Sap luhn God uh Kahsre Kuht Fuhkah?

Ma Sap luhn God uh Kahsre Kuht Fuhkah?

1. Efuh kuht enenuh kahsruh ke kuht oruh sulaclah lasr?

Ma pwacye ke Bible uh kahsre kuht fuhkah in taran ke kuhtwena mwe sensen nuh ke moul lasr?PSALM 36:9.

God suc orekuhtlac el lahlmwetmwet liki kuht. Oacna sie Pahpah suc luhngse kuht, el oacyacpac nuhnkuh kacsr. Oacyacpac, el tiac orekuhtlac kuht in sifacna kol inkacnek lasr. (Jeremiah 10:23) Kuht nuhkewa enenuh kolyuck luhn God, oacna ke sie tuhlihk srihsrihk el enenuh kolyuck luhn pahpah ac ninac kiyacl. (Isaiah 48:17, 18) Ma sap luhn God in Bible uh sie mwe sang sin God me, suc use mwe kahsruh nuh sesr.Riti Luo Timothy 3:16.

Ma sap luhn Jeova uh luti kuht in engankihn moul insewowo ke pacl inge, ac fuhkah in eis moul ma pahtpaht ke pacl fahsruh uh. Ke srihpen God pa orekuhtlac uh, pwacnacng kuht enenuh in ahkos kahs in kolyuck lal.Riti Psalm 19:7, 11; Fwackyuk 4:11.

2. Kahs luhn God ac kahsre kuht fuhkah?

Oasr mwe luti pwacye suc tuhkuh ke Bible ma ahkkahlwemye nuh sesr ma God el luhngse kuht in oruh ke kain in ohiyac pucspucs. Ke kuhtuh ohiyac, oasr ma sap suc oreklac tari nuh kac. (Deuteronomy 22:8) Kuht enenuh in orekmakihn nuhnak lasr in etuh lah fuhkah sie mwe luti pwacye kahsre kuht in oruh sie sulaclah wo. (Soakas 2:10-12) Ke sie mwe puhpuhlyuck, Bible uh luti lah moul el sie mwe sang sin God me. Mwe luti pwacye inge ac kuh in kahsre kuht ke acn in orekma, ke lohm sesr, ac ke pacl kuht oruh fuhfahsryacsr lasr. Kuht fin esam lah moul uh sie mwe sang, kuht ac taran ke kuhtwena ma suc kuh in ahksensenye moul lasr kuh moul luhn mwet sahyac.Riti Orekma 17:28.

3. Ma sap luo fuhkah ma yohk srihpac na pwacye?

Jesus el fahk lah oasr ma sap luo suc arlacna yohk srihpac. Ma  se meet an ahkkahlwemye oakwuck nuh ke moul luhn mwet uh, in etwacllah God, in luhngse el, ac in kuhlwacnsapuhl ke oaru. Ma sap se meet inge enenuh in orekmakihnyuck ke sulaclah nuhkewa lasr uh. (Soakas 3:6) Mwet ma orekmakihn ma sap inge ke moul laltahl ac fah kawuck luhn God, puhla insewowo pwacye, ac eis moul ma pahtpaht.Riti Matthew 22:36-38.

Ma sap se ahkluo an kuh in kahsre kuht in oasr mislac wo inmahsrlosr nuh sin mwet sahyac. (Sie Corinth 13:4-7) Kuht orekmakihn ma sap se ahkluo inge ke pacl se kuht etahi mwe srihkasrak luhn God ke ohiyac suc el ahkkahlwemye nuh sin mwet uh.Riti Matthew 7:12; 22:39, 40.

4. Ma sap luhn God kahsre kuht fuhkah?

Ma sap se luhn God inge in ahkkahlwemye luhngse ac kahsruh mwet in sucu uh in fototo nuh sie. (Colossae 3:12-14) Ma sap luhn God nuh sin siacnyacn uh pa moul in pahyuck uh in oan nwe tok. Ma inge karuhnguhnwacng sucu pucspucs.Riti Genesis 2:24.

Ke kuht ukwe mwe luti luhn Bible, ma inge kuh in karihngihn kuht in tiac fosrngah ke mwe enenuh kuh elyah lasr. Ke sie mwe puhpuhlyuck, mwet kol ke acn in orekma eltahl kwacna suk mwet ma pwacye ac oaru ke orekma la, kuh mwet ma moul fal nuh ke mwe luti in Bible. (Soakas 10:4, 26; Hebrew 13:18) Kahs luhn God uh oacyacpac luti kuht in falkihn ma oasr yohrohsr tari ac in ahksacohkye fototo lasr nuh sin God yohk liki na mwe kahsruhp.Riti Matthew 6:24, 25, 33; Sie Timothy 6:8-10.

Ke kuht moul fal nuh ke ma sap luhn God, ma inge kuh in karihngihn mahnosr. (Soakas 14:30; 22:24, 25) Ke sie mwe puhpuhlyuck, ke kuht ahkos ma sap luhn God in tiac sruhi, ma inge karihngihn kuht liki mas upac ac mwe ongaiyac. (Soakas 23:20) Jeova el lwelah kuht in eis mwe nihmnihm, tuhsruhktuh ma inge enenuh in ituck ke luhpah fal. (Psalm 104:15; Sie Corinth 6:10) Ma sap luhn God uh wo nuh sesr ke srihpen ma inge luti kuht in karuhnguhnwacng nuhnak ac orekma lasr. (Psalm 119:97-100) Mwet Christian pwacye uh suhnakihn oakwuck fuhlwact luhn God tiac ke srihpen ma wo eltahl ac eis, a eltahl oruh ouinge in ahkfuhlwactye Jeova.Riti Matthew 5:14-16.