Som nuh ke koano an

Som nuh ke menu ahkluo

Som nuh ke koano an

Mwet Loh luhn Jeova

Kosraean

“Liyekowosyang Sifacna in Muhtana In Luhngse Luhn God”

Sie Lwacta Sin Un Mwet Suc Liyacacng Orekma Nuhkewa Lasr

Sie Lwacta Sin Un Mwet Suc Liyacacng Orekma Nuhkewa Lasr

Nuh Sum Suc Luhngse Jeova:

Jesus el fahk, “Kowos fah etuh ma pwacye, ac ma pwacye fah ahksukohsohkye kowos.” (John 8:32) Kahs inge mwe ahkkweye na yohk! Ahok, kuht kuh in etuh ma pwacye uh, finne ke “lwen sahflah” inge ke ma kikiacp uh arlacna yohkyohkwelihk. (Luo Timothy 3:1) Yac kom esam pacl se meet ma kom akihlenack ma pwacye uh ke ahkuhtweyucki ke kahs luhn God? Ma na wo se pa sikyak nuh sum inge!

In oacna ke yohk srihpac nuh sesr in eis etwacack suwohs ke ma pwacye ac in wi ke orekma in fahkwack nuh sin mwet sahyac, kuht enenuh pac in moulkihn moul lasr in fal nuh ke ma pwacye uh. In oruh ma inge, kuht enenuh in muhtana in luhngse luhn God uh. Meac kalmen ma inge? Kahs lal Jesus ke fong se meet liki el misac ah tohpohklah kihsen siyuck se inge. El fahk nuh sin mwet sap oaru lal uh: “Kowos fin ahkos masap luhk, kowos ac oan na in luhngse luhk, oacna ke nga ahkos masap luhn Pahpah tuhmuhk ac muhtana in luhngse lal.”​—John 15:10.

Lohacng nuh kac lah Jesus el muhtana in luhngse luhn God uh ke el ahkos masap luhn Pahpah tuhmwacl. Ma inge oacpacna nuh sesr mihsenge. Kuht fin luhngse in muhtana in luhngse luhn God, kuht enenuh in orekmakihn ma pwacye ke kais sie lwen ke moul lasr uh. Ke ekuh sac pacna, Jesus el fahk: “Inge ke kowos etuh ma pwacye se inge, ac fah mwe insewowo yohk nuh suwos kowos fin moulkihn!”​—John 13:17.

Finsrak yohk lasr uh pa mwe rit se inge in kahsre kom in tahfwelah na in orekmakihn ma pwacye uh ke moul lom ac in “muhtana in luhngse luhn God . . . in acsot moul ma pahtpaht nuh suwos.”​—Jude 21.

Un Mwet Suc Liyacacng Orekma Nuhkewa luhn Mwet Loh luhn Jeova Fin Facluh Nohfohn