Minya Ahali Olhuhindano Ahakuhi Nawu

Er’ingira ni rya busa • Siyiri erilhabya akibo

 Lindirira Bino Okwa Ndegheka

Kyakathano: Wukendi syaminya ebya Biblia yikabugha ebikakanganaya ngoku Nyamuhanga na Mughalha wiwe, Yesu, bakakusunzira etseme.

Kyamukagha: Wukendi syaminya enzira eyikakolhaya okwa tseme eya kera na kera omw’igha okw’ikangirirya lya Yesu ery’okwa Kithwe.

Kyasande: Omwa mukania “Wune Wabana eky’Obughuli?” wukendi syaminya ngoku ekwenene ye Biblia yabiriwathikya abandu bangyi eribana etseme.

Omusathu

Engulhu Yuwene Ngoku Yathulhawa Na Yesu: Ekitsweka 4-6

Wukendi syalhangira Yesu akakangirirya ebikumulha by’abandu, akalhamya abalhwere, n’erilhubukya abaholi. Okwa buli kiro ky’olhuhindano thukendi syabya thukalebya ekitsweka kighuma ky’okwa syovidiyo esikasisimulha esi.

Ghenda okwa jw.org eribana endegheka eyosi n’erilebya esyovidiyo hino:

Ni Byahi Ebikabya Okwa Mihindano Yethu Eminene-minene?

Minya ebya wutholere iwalindirira okwa lhuhindano lhw’Abema ba Yehova.

Lebaya omwa bikuhi ebya thukendi sy’igha okwa lhuhindano olhw’omwaka ono.

Yesu mwakolesya athi amaaka wiwe eriwathikya abandi?

Lebaya ebindi bitsweka by’evidiyo eyi ebyabya okwa mihindano eyilhabire.