Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akatabu k'Omuhindano ak'Engebe n'Omubiiri Wethu  |  Okwomwenda 2017

 ENGEBE YETHU NG’ABAKRISITAYO

Ni Kyahi Ekikaleka Iwalhangira Eriramya ly’Okwenene mwa ly’Omughaso?

Ni Kyahi Ekikaleka Iwalhangira Eriramya ly’Okwenene mwa ly’Omughaso?

Esyonzoli sya Ezekieli esy’ehekalu musyasikya emithima y’Abayuda ababya omwa bunyewa kundi musyaleka ibabya n’amaha ngoku eriramya ly’okwenene likendi suba-subanibwa. Omwa biro by’enyuma-nyuma bino, eriramya ly’okwenene ‘lyabirihanganibwa endatha okwa bithwe,’ kandi nethu thuli omwa bakalhua omwa bihanda byosi abakahethukira okwa kithwe ky’eriramya ly’okwenene. (Isa 2:2) Wukanaghaniraya mughulhu wosi okwa lhusunzo lhw’eriminya Yehova n’erimukolera?

EMIGHISA Y’ERIRAMYA LY’OKWENENE:

  • Ebyalya bingyi by’obunyakirimu ebikathuwathikaya eribana eby’erisubirya okwa bibulyo bikulhu-bikulhu omwa ngebe, emisingyi ey’erighenderako, n’amaha awaghumire.—Isa 48:17, 18; 65:13; Abar 15:4

  • Olhughanda lhw’abalikyethu abathwanzire olhuli omwa kihugho kyosi.—Esy 133:1; Yn 13:35

  • Olhusunzo lhw’erikolha haghuma na Nyamuhanga omubiiri owakatsemesaya.—Emib 20:35; 1Kor 3:9

  • “Obuholho bwa Nyamuhanga” obukathughumaya thwamabana ebitsibu.—Fil 4:6, 7

  • Obunya muthima-thima obuhenirye.—2Tim 1:3

  • Eribya banywani ba Yehova ab’okwa ndungu.—Esy 25:14

Nanga kangania indi ku ngalhangira eriramya ly’okwenene mwa ly’omughaso?