Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akatabu k'Omuhindano ak'Engebe n'Omubiiri Wethu  |  Okwomunani 2016

 ENGEBE YETHU NG’ABAKRISITAYO

Kangiriraya Ekwenene

Kangiriraya Ekwenene

Eritsuka omwa Kwomwenda, Akatabu k’Omuhindano owa Engebe n’Omubiiri Wethu mukendi hirwa akatsweka kahya-kahya ak’ebya thwanga bugha akawithe omuthwe “Kangiriraya Ekwenene.” Ekighendererwa kyethu kikendibya iry’erikania okwa ngangirirya ndebe y’ekwenene ye Biblia omw’ikolesya ekibulyo n’erisako.

Omundu amanzisibwa, ithwangana kolha ekyangaleka inianza thusyasubulha omw’imusighira ekitabu kutse erimukangania evidiyo eyiri okwa jw.org. Thutholere ithwalengaho erisubayo lhuba nuku thwanga thasyalholha embere n’omukania. Ebya thwanga bugha ebihya-bihya ebi n’ebitsweka eby’abigha bikendibya bikaseghemera okwa katsweka akawithe omuthwe, “Omwa Bikuhi” akali omwa buli sura ey’ekitabu E Biblia Yanga Thukangiriryaki? Omwa hitsweka ehyo, mune ebindi bibulyo n’amasako awanga thuwathikya thukasubayo kutse erigha n’omundu omw’ikolesya e Biblia nyisa.

Hali nzira nguma nyisa eyikakolhaya okwa ngebe y’erikotha. (Mt 7:13, 14) Kundi thukakanaya n’abandu abalhuire omwa madini n’emibere muthina-muthina, thutholere ithwakania nabu okwa mwatsi we Biblia ow’angabanzisya. (1Tim 2:4) Thukabya thukongera eriminya ndeke emyatsi muthina-muthina y’erikaniako omwa Biblia n’eryuwania emibere yethu ‘y’erikangirirya ndeke omwatsi w’ekwenene,’ etseme yethu yikayongera, kandi ithukendi thoka erikangirirya abandi b’omwatsi w’ekwenene.—2Tim 2:15.