Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akatabu k'Omuhindano ak'Engebe n'Omubiiri Wethu  |  Okwomunani 2016

 ENGEBE YETHU NG’ABAKRISITAYO

Eryuwania Emibere Yethu ey’Erithulira—Eriwathikya Abigha be Biblia Erikulha-kulhana Erihika okw’Iyihayo n’Eribatizibwa

Eryuwania Emibere Yethu ey’Erithulira—Eriwathikya Abigha be Biblia Erikulha-kulhana Erihika okw’Iyihayo n’Eribatizibwa

OMUGHASO W’ERIKOLHA EKI: Erithoka erisimwa na Yehova, abigha be Biblia batholere ibayihayo okw’iyo n’eribatizibwa. (1Pet 3:21) Neryo abakakolha erikwamana n’eriyihayo lyabu bakabana obutheya obw’obunyakirimu. (Esy 91:1, 2) Omukristayo akayihayo oku Yehova—butsira okwa mundu, omubiiri, kutse ekithongole. Busana n’ekyo, abigha batholere ibakulha-kulhania olhwanzo n’erisima Nyamuhanga.—Abar 14:7, 8.

NGOKU KYANGA KOLHWA:

  • Mukigha, mukanaye omwatsi owa mukigha ng’akabisulhaki oku Yehova. Mubwire ngoku atholere iniabya akasoma e Biblia buli kiro n’erisaba Yehova “butsira eriumbya.”—1Tes 5:17; Yak 4:8

  • Hira omwa mwigha wawu mw’omuhwa ow’erilhangira athi eriyihayo n’eribatizibwa bikabya bilhubirirwa biwe by’obunyakirimu. Kandi, muwathikaye eribya n’ebilhubirirwa eby’eriberererya lhuba, ng’erisubirya omwa mihindano, kutse erithulira abaliranwa n’abakakolha nabu. Iwabya iwunakyasi ngoku Yehova syali kaka mundu wosi-wosi erimukolera. Omundu atholere iniayithwiramu ahabwiwe eriyihayo.—Ebi 30:19, 20

  • Hira omwa mwigha wawu mw’omuhwa w’erikolha esyombinduka esikayithaghisibawa nuku anga tsemesya Yehova n’eritholera eribatizibwa. (Emi 27:11) Kundi eyindi mitse n’emibere mirebe yangana kalha erileka, omwigha we Biblia angana yithagha erilholha embere eriwathikibwa erilekayo n’eriambalha omundu muhya-muhya. (Efe 4:22-24) Mukaniranaye nayu okwa myatsi eyikasira omwa Akaleberyo “E Biblia Yikahindulha Esyongebe”

  • Mubwire okwa tseme eya wabiribana omw’ikolera Yehova.—Isa 48:17, 18