Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akatabu k'Omuhindano ak'Engebe n'Omubiiri Wethu  |  Okwomukagha 2017

 ENGEBE YETHU NG’ABAKRISITAYO

Erikirirya Lyawu Omwa Milhaghe ya Yehova Lighumire Bungahi?

Erikirirya Lyawu Omwa Milhaghe ya Yehova Lighumire Bungahi?

Yosua na Solomona abosi babiri mubakakasya ngoku sihali kinywe na kighuma omwa milhaghe ya Yehova ekithabererera. (Yos 23:14; 1Bam 8:56) Ebya balhangiri babiri abayisiwa aba bakabugha bikongera okwa musingyi owaghumire owathwanga himbako erikirirya lyethu.​—2Kor 13:1; Tito 1:2.

Yehova mwaberererya athi emilhaghe yiwe omwa buthuku bwa Yosua? Haghuma n’ab’eka yawu, mulebaye omusathu w’evidiyo ‘Sihali Kinywe na Kighuma Ekithethabererera.’ Neryo mwanakania okwa bibulyo bino: (1) Wanga gherererya wuthi emibiiri ya Ruta eyikakanganaya erikirirya? (Ebr 11:31; Yak 2:24-26) (2) Eky’erileberyako kya Akana kikakanganaya kithi akabi akakalhwiririra omw’ikighenderera eribya bathowa? (3) Nomwakine indi abalhume be Gibeoni babya balhwi, busana naki mubatheba Yosua n’erikolha obuholho ne Israeli? (4) Ekinywe kya Yehova mukyabererera kithi omughulhu abami bathanu b’Abaamori bahayira Israeli? (Yos 10:5-14) (5) Yehova abirikuwathikya athi wukahira Obwami bwa Nyamuhanga n’erithunganene liwe by’embere omwa ngebe yawu?​—Mt 6:33.

Thukabya thukalengekania okwa byosi ebya Yehova abirikolha, eby’anemukolha, n’ebya akendisyakolha, erikirirya lyethu omwa milhaghe yiwe likongera erighuma.​—Abar 8:31, 32.

Wunawithe erikirirya eriri ng’erya Yosua?