Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akatabu k'Omuhindano ak'Engebe n'Omubiiri Wethu  |  Okwomukagha 2017

 ENGEBE YETHU NG’ABAKRISITAYO

Sighika Emisingyi ya Yehova ey’eby’Esyongeso

Sighika Emisingyi ya Yehova ey’eby’Esyongeso

Yehova Nyamuhanga yukahirira h’abandu emisingyi ey’eby’esyongeso ey’erighenderako. Ng’eky’erileberyako, akalhaghira athi omulhume n’omukali bamabirithahania sibatholere bakalekana. (Mt 19:4-6, 9) Akaghana emiringo yosi ey’obusingiri. (1Kor 6:9, 10) Kandi nibya akahiraho n’emisingyi eyihambire okwa myambalire n’emiyipambire eyikaleka abandu biwe ibabya bambaghane.​—Ebi 22:5; 1Tim 2:9, 10.

Omwa kihugho munabwire, abandu bangyi bakaghana emisingyi ya Yehova. (Abar 1:18-32) Bakalighira amalengekania w’abandu erisondolha emibere y’emyambalire yabu, n’emiyipambire n’emighendere yabu. Abangyi bakayipangira ebindu bibi ebyabakakolha n’eritsweba abakaghendera okwa misingyi eyiri mbaghane okwa yabu.​—1Pet 4:3, 4.

Ithwe Bema ba Yehova, thutholere ithwasighika emisingyi ya Nyamuhanga ey’eby’esyongeso buthubaha. (Abar 12:9) Thuthi? Omwa menge, thutholere ithwaminyisya abandi ekikatsemesaya Nyamuhanga. Kandi thutholere ithwaghendera okwa bihano bya Nyamuhanga omwa ngebe yethu. Ng’eky’erileberyako, omughulhu thukasombolha esyongyimba sy’eryambalha n’emiyipambire, ithwangana yibulya bino: ‘Ebyanga sombolha bikananyikanganaya ng’omundu oyukwamire ebihano bya Nyamuhanga kutse eby’ekihugho? Emyambalire n’emiyipambire yaghe yikanakanganaya ku ngali Mukrisitayo oyukasikaya Nyamuhanga?’ Kutse thukasombolha etivi kutse evidiyo y’erilebya, ithwangana yibulya bino: ‘Mbwino eki kyangana tsemesya Yehova? Yikakulha-kulhanaya ebihano byandi eby’esyongeso? Mbwino eby’eriyitsemesya ebyanga sombolha byangana tsekya obutheya bwaghe obw’eby’esyongeso? (Esy 101:3) Mbwino kyangana thwikalya ab’eka yethu n’abandi?’​—1Kor 10:31-33.

Busana naki ni ky’omughaso munene kutsibu erisighika ebihano bya Yehova eby’esyongeso? Kristo Yesu akisiya iniathoghothya ebihanda n’obubi bwosi. (Eze 9:4-7) Abakakolha erisonda lya Nyamuhanga basa babasyakotha. (1Yn 2:15-17) Neryo kwesi, thusighike ebihano bya Yehova eby’esyongeso nuku abakalhangira emibiiri yethu mibuya bapipe Nyamuhanga.​—1Pet 2:11, 12.

Ebyanga thwamu okwa myamblire n’emiyipambire bikanyikanganaya ng’oyukaghendera okwa misingyi yahi?

MULEBAYE EVIDIYO WUBYE MUNYWANI WA YEHOVA​MULHUME MUGHUMA, MUKALI MUGHUMA, N’ERISUBIRYA OKWA BIBULYO BINO:

  • Busana naki ni ky’amenge erighendera okwa bihano bya Yehova eby’esyongeso?

  • Busana naki ababuthi batholere ibatsuka erikangirirya abaana babu b’ebihano bya Yehova eby’esyongeso ibakine balere?

  • Abalere n’abakulhu banga wathikya bathi abandu erighasirwa omwa bubuya bwa Nyamuhanga?