Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akatabu k'Omuhindano ak'Engebe n'Omubiiri Wethu  |  Okwomukagha 2016

 ERYUWANIA EMIBERE YETHU Y’ERITHULIRA

Eryuwania Emibere Yethu y’Erithulira—Erikolesya Esyovidiyo Thukakangirirya

Eryuwania Emibere Yethu y’Erithulira—Erikolesya Esyovidiyo Thukakangirirya

OMUGHASO W’ERIKOLHA EKI:

Esyovidiyo sikahika okwa mithima y’abandu kundi sikahamba kutsibu okwa maaka wabu w’erilhangira n’eriowa. Sikaleka ibahira amalengekania w’okwa mwatsi kandi ibathibirirwagho. Yehova ni ky’erileberyako ekyuwene omw’ikolesya ebindu ebyanga lhangirwa akakangirirya.—Emib 10:9-16; Erib 1:1.

Esyovidiyo Mbwino Nyamuhanga Anawithe Erina?, Omwinye e Biblia Nindi?, na Thwanga Minya Thuthi Ngoku e Biblia Yihikire? sikakanaya okw’isomo 2 na 3 ery’ebrokyuwa Engulhu Yuwene. Esyovidiyo Busana Naki Kitholere Erigha e Biblia?, Erigha e Biblia Likabya Lithi?, na Okwa Kisenge ky’Obwami Kukakolhawaki? sikahira abandu mw’omuhwa ow’erigha e Biblia kutse erihindana okwa mihindano y’ekithunga. N’esindi syovidiyo syethu syangana kolesibwa wuk’igha n’abandu.—km 5/13 3.

NGOKU KYANGA KOLHWA:

  • Sangwa walhusya okwa muthahulha wethu kw’evidiyo eya wanzire erikangania omwinye nyumba

  • Thegheka ekibulyo kighuma kutse bibiri eby’evidiyo yikendi subirya

  • Mulebaye evidiyo ya haghuma

  • Mukanaye okwa syonzumwa ngulhu-ngulhu

LENGESAYA KINO:

  • Lebaya enyuma w’etrakit, n’erimukangania ekode eyikamuthwalha okwa vidiyo Busana Naki Kitholere Erigha e Biblia?

  • Kanganaya evidiyo Thwanga Minya Thuthi Ngoku e Biblia Yihikire? wanaghaba ebrokyuwa Engulhu Yuwene, n’erikania okw’isomo 3