Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akatabu k'Omuhindano ak'Engebe n'Omubiiri Wethu  |  Okwokubanza 2017

 ENGEBE YETHU NG’ABAKRISITAYO

Wibuke Erihira Abakrisitayo Abakendereribawa Omwa Misabe

Wibuke Erihira Abakrisitayo Abakendereribawa Omwa Misabe

E Biblia muyalhaghulha ngoku Sitani anga thwendererye omwanza erithulemesya omubiiri wethu w’erithulira. (Yn 15:20; Erib 12:17) Thwanga wathikaya thuthi Abakrisitayo balikyethu abanemwendereribwa omwa bindi bihugho? Ithwangana bahira omwa misabe. “Erisaba ly’omundu oyuthunganene likathoka omwatsi munene.”—Yak 5:16.

Ni byahi ebya thwanga hira omwa misabe? Ithwangana saba Yehova eriha balikyethu aba b’omuhwa n’eribawathikya erithendyubaha. (Isa 41:10-13) Kandi ithwangana saba thuthi ambi abathabali isibahigha-highanaya omubiiri w’erithulira, nuku “thuthoke erisiba buholho butsira mwagha.”—1Tim 2:1, 2.

Omughulhu Paulo na Petero bendereribawa, Abakrisitayo ab’omwa kighonye ky’erimbere mubabasabira omw’ahulha amena wabu. (Emib 12:5; Abar 15:30, 31) Nomuthwangabya isithwasi amena wa bosi abakendereribawa lino, ithwangana hulha ekithunga, ekihugho kutse ekitsweka ekya balimo.

Handika ebitsweka eyo balikyethu abakristayo bakendereribawa aba wukanza erisabira.