Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akatabu k'Omuhindano ak'Engebe n'Omubiiri Wethu  |  Okwokubanza 2016

 ENGEBE YETHU NG’ABAKRISITAYO

Eryuwania Emibere Yethu ey’Erithulira—Erihira h’Omusingyi w’Erisubayo

Eryuwania Emibere Yethu ey’Erithulira—Erihira h’Omusingyi w’Erisubayo

OMUGHASO W’ERIKOLHA EKI:

Thutholere ithuthangirira embutho eya thukahera. (1Kor 3:6) Thwamabana omundu oyukanzisibawa, ni kibuya erimusighira ekibulyo ekya thukendi syakaniako thukasubayo. Eki kikendi leka iniabya inianakulindirire kandi ikyakwolhobera eriyitheghekera erisubayo. Thukasubayo, ithwangana bugha thuthi thwamasyasubirya ekibulyo ekya thwasigha.

NGOKU KYANGA KOLHWA:

  • Wukayitheghekera eriyathulira nyumba okwa nyumba, thegheka n’ekibulyo ekya wukendi syasubirya wukasubayo. Kyanganabya ikinakanibweko omwa kitabu ekya mukaghaba. Kutse ikyabya ini kibulyo ekikasubiribawa omwa kighuma ky’okwa bitabu ebya thukakolesaya erigha n’abandu e Biblia, ekya wangana muha wukasubayo.

  • Wukaghunza erikania n’omundu oyowamanzisibwa, mubwire ngoku wukinanzire erithasyakania nayu ekindi kiro neryo musighire ekibulyo ekya wabirithegheka. Wangana musaba enamba yiwe y’esimu kyamathokekana.

  • Wamamulhagha wuthi wukendi syasubulha okwa ndambi ndebe, isiwabulirayo.—Mt 5:37.