Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akatabu k'Omuhindano ak'Engebe n'Omubiiri Wethu  |  Okwokubanza 2016

 ENGEBE YETHU NG’ABAKRISITAYO

Olhusunzo Lhwethu olhw’Erihimba n’Erisugha Ahakabya Eriramya ly’Okwenene

Olhusunzo Lhwethu olhw’Erihimba n’Erisugha Ahakabya Eriramya ly’Okwenene

Erihimba ehekalu e Israeli lyabya likayithagha akaghalha n’esyosente nene. Nomubyanabya bithya, Abaisraeli mubasighika omubiiri oyu n’omuhwa. (1Emy 29:2-9; 2Emy 6:7, 8) Ehekalu yabere yabirihwa, Abaisraeli eribya ibane musughayo mukyakangania nga banatsomene eby’obunyakirimu kutse eyihi. (2Bam 22:3-6; 2Emy 28:24; 29:3) Munabwire, Abakrisitayo bakakolesaya endambi nene n’akaghalha kanene erihimba, eriyonza, n’erisugha Ebisenge by’Obwami n’ahakabya emihindano eminene-minene. Aliwe, erikolha na Yehova omwa nzira eyi ni lhusunzo lhunene kandi ni kighuma ky’okwa mubiiri wethu owabuyirire.—Esy 127:1; Erib 7:15.

THWANGANA SANGIRA OMW’EKI . . .

  • Omw’ikolha obuyonzo obuli muhindano akahwamu. Emibere eya wulimu yamathendi kulighira, songaya oburofu obuli ahawikere.

  • Omw’isighika endegheka ey’eriyonza n’erisugha Ekisenge ky’Obwami. Erikolha banene likaleka imwakolha imunatsemire kandi omubiiri inianguha.—lv 92-93 enu. 18.

  • Omw’ihayo esyosente. Nibya n’erihayo ‘ebinusu bibiri’ eby’obughuli buke erilhua okwa muthima kikatsemesaya Yehova.—Mk 12:41-44.

  • Omw’iyihayo eriwathikya okw’ihimba n’erisugha amanyumba awakakolerawa mw’ebya Nyamuhanga wamabya iwangana thoka. Erisangira omw’ebi si bugha indi wutholere iwabya iwasi eby’obuhimbe.