Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akatabu k'Omuhindano ak'Engebe n'Omubiiri Wethu  |  Okwerikuminakughuma 2016

 ENGEBE YETHU NG’ABAKRISITAYO

Ekitabu E Biblia Yanga Thukangiriryaki?Ngoku Kyanga Kolesibwa

Ekitabu E Biblia Yanga Thukangiriryaki?Ngoku Kyanga Kolesibwa

Ekitabu Yanga Thukangiriryaki n’ekitabu E Biblia Yikakangiriraya bisosene. Ebyosi ebibiri erilhua omwa ebya thukakolesaya omw’ikangirirya muli omwatsi w’ekwenene mughumerere n’erithondwa omwa mibere mighumerere. Aliriryo, ekitabu Yanga Thukangiriryaki kiri mw’ebinywe eby’olhobire eriyitheghererya. Kikolirwe busana na bathe bangayitheghererya ndeke ekitabu E Biblia Yikakangiriraya. Omwa kanya k’enyongezyo, ekitabu Yanga Thukangiriryaki ikyo muli esyondomeko esikasoborera ebinywe birebe n’eyindi myatsi eyiri omwa sura. Esyosura sisiri mw’ebibulyo ebikatsuka kutse akasanduko ak’eby’eriyibukya. Aliwe, sikaghunzerera n’erikania omwa bikuhi okwa kwenene ye Biblia eyiryakanibawako omwa sura. Ngoku thukanaghaba ekitabu Biblia Yikakangiriraya, ekitabu Yanga Thukangiriryaki nakyo kyanganaghabwa okwa ndambi yosi-yosi, nomukyangabya isikiri omwa bikaghabawa omwa kwezi oko. Thwanga kolesya thuthi ebindu by’embaghane ebiri omwa kitabu Yanga Thukangiriryaki thuk’igha n’omundu e Biblia?

OMWA BIKUHI: Okwa bandu bangyi, enzira eya thukakolesaya thukab’eghesya, ey’erisoma enungu omw kitabu E Biblia Yikakangiriraya neryo ithwabulya ekibulyo yangana kolha ndeke. Aliwe ibbwa kyamabya indi omwigha syasi omubughe wa ndeke kutse erisoma ndeke? Aho, iwanganathwamu erikolesya ekitabu Yanga Thukangiriryaki. Neryo ehitsweka “Omwa Bikuhi” ehiri omwa syosura hyanganakolesibwa omw’igha lyenyu n’omwigha inianganahirwa mw’omuhwa w’erisoma esura ahabwiwe. Obuli kwenene ye Biblia yangana kangiriribwa omw’igha erikaghunza esyodakika nga 15. Kundi ehitsweka omwa bikuhi sihiribyamo omwatsi wosi owali omwa sura, oyuk’eghesaya atholere iniathegheka ndeke, inianibukire ebiyithawa by’omwigha. Oyuk’eghesaya amabya iniak’egheseraya omwa sura, neryo ehitsweka omwatsi omwa bikuhi ihyangana kolesibwa ng’eriyibukya.

ESYONDOMEKO: Erisoborera ebinywe birebe n’eyindi myatsi bikwama-kwamene ngoku bine omwa sura. Oyuk’eghesaya angana thwamu ng’abakanaye okwa syandomeko esiri omwa kitabu Yanga Thukangiriryaki akigha n’omwigha.