Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akatabu k'Omuhindano ak'Engebe n'Omubiiri Wethu  |  Okwerikuminakughuma 2016

 ENGEBE YETHU NG’ABAKRISITAYO

EminyethuSimulindiriraye Eringira Omwa “Mwanya w’Erikolha Omubiiri Munene”

EminyethuSimulindiriraye Eringira Omwa “Mwanya w’Erikolha Omubiiri Munene”

Thwangana yisanga ithwabirilengekania thuthi thukendi lholha embere ithunawithe amaaka w’obunyethu kandi ithwayowa nga sithwanga hikwako “ebiro bibi” ebikasa busana n’obukulhu omwa kihugho kya Sitani kino. (Omu 12:1) Wamabya iwuli munyethu, mbwino wukalengekanaya wuthi wangana linda eribya n’ebilhubirirwa by’obunyakirimu ng’eringira omwa mubiiri w’omughulhu wosi kundi wukinawithe buthuku bunene?

“Endambi n’ebikawa kitsumbukirania bikahika okwa bosi,” imwamuli n’abakine balere. (Omu 9:11, NW) “Simwasi nga mwasyabya muthi omwa ngyakya.” (Yak 4:14) Busana n’ekyo, isiwalindiriraya erikwamirira eby’obunyakirimu. Neryo kwesi ingira omwa “mwanya w’erikolha omubiiri munene” athali akingwa. (1Kor 16:9) Siwendisya yikubya bwomo.

Ebilhubirirwa by’obunyakirimu ebya wangana yihiriraho:

  • Erithulira omwa wundi mubughe

  • Erikolha obutemburi

  • Erighenda okwa mathendekero w’ekiteokrasi

  • Omubiiri w’obuhimbe

  • Omubiiri we Beteli

  • Eribya mulebererya w’omuthimbo

Handika hano ebilhubirirwa byawu eby’obunyakirimu.