Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akatabu k'Omuhindano ak'Engebe n'Omubiiri Wethu  |  Okwerikumi 2017

 ENGEBE YETHU NG’ABAKRISITAYO

Pipa Yehova Omwa Ngebe Yawu Yosi!

Pipa Yehova Omwa Ngebe Yawu Yosi!

Engebe ni kihembo ky’obughuli. Emibere thukakoleserayamu ekihembo eki obuli kiro, yikakanganaya nga thukyanzire bungahi. Ng’Abema ba Yehova, thukalengaho erikolesya ebya thwasi n’amaaka wethu eriha Omuhangiki wethu Yehova, y’olhukengerwa. (Esy 36:9; Erib 4:11) Aliwe, busana n’amaghaniryo w’engebe omwa kihugho kibi kino, kyolhobire erihira eby’obunyakirimu bya lhuhandi. (Mk 4:18, 19) Obuli mughuma w’okwithwe atholere iniayibulya: ‘Ngane muhererya Yehova y’ebibuya? (Hos 14:2) Omubiiri waghe ane muhamba athi okwa mubiiri owanga kolera Yehova? Ebilhubirirwa byaghe by’obunyakirimu ni byahi? Nanga thasy’ongera indi omubiiri waghe w’erithulira?’ Wamalhangira ihane aha wutholere iwuwania, saba Yehova akuwathikaye n’erikolha esyombinduka esikayithaghisibawa. Ahathe erithika-thika, eripipa Yehova buli kiro likaletha engebe eyuwene kandi eyiri mw’etseme!​—Esy 61:8.

Ebya wasi wukabihereraya ndi?

MULEBAYE EVIDIYO KOLESAYA EBYA WASI OMW’IKOLERA YEHOVA, N’ENYUMA WAHO MWANASUBIRYA OKWA BIBULYO BINO:

  • Busana naki ni ky’obukiru eriha ebya wasi ekihugho kya Sitani? (1Yn 2:17)

  • Abakaha Yehova y’ebibuya bakabana mighisa yahi?

  • Ni syonzira syahi omwa mubiiri wa Yehova esyo wanga yihayo erikolesya mw’ebya wasi n’ebya wanga thoka erikolha?