Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akatabu k'Omuhindano ak'Engebe n'Omubiiri Wethu  |  Okwerikumi 2017

 ENGEBE YETHU NG’ABAKRISITAYO

Ngoku Thwangabya Bigha b’Amasako ab’Omuhwa

Ngoku Thwangabya Bigha b’Amasako ab’Omuhwa

Wunanzire iwabya muthaleghulha iwune omwa bitsibu nga Danieli kwabya? Danieli iniakayeghesaya kutsibu Ekinywe kya Nyamuhanga, imwamune n’amaminyereri awakalire. (Dan 9:2) Eriyeghesya ndeke e Biblia lyangana kuwathikya eribya iwune muthaleghulha. Lithi? Lyangan’ongera erikirirya lyawu ngoku ebya Yehova abirilhagha bikendi syabererera. (Yos 23:14) Kandi kyangana kuwathikya eryongera olhwanzo olho wuwithire Nyamuhanga, ikyaleka iwanza erikolha ebihikire. (Esy 97:10) Aliwe ibbwa wutholere iwatsukira hayi? Hano hane menge malebe.

  • Ni byahi ebya ngatholere ing’igha? Endegheka eyuwene ey’eriyeghesya mwamuli erithegheka emihindano. Iwukendi ghasirwa omw’isoma e Biblia ery’obuli yenga wamaghunza obuthuku iwunemusekulya okwa syonzumwa esya wuthe wayitheghererya. N’abandi babirithwamu erigha bingyi okwa maminyereri we Biblia, emibere mingyi y’omulimu wa Nyamuhanga, esyongendo sya Paulo esy’obumisani, kutse nibya ebikalhangirawa ebya Yehova abirihangika. Omwa muthwe wawu mwamasa ekibulyo kye Biblia, ambi iwakihandika, neryo ikya wasy’ighako wuk’igha.

  • Omwatsi ow’erighako nanga banagho hayi? Ahawangabanagho, lebaya evidiyo Eby’erikolesya omw’Isekulya Emyatsi ey’Obughuli ey’Obunyakirimu. Eriyibegheresya, sekulhaya okwa mathabali w’akaghalha aw’ekihugho kyosi awasosekanibwe n’ebisoro ebikanibweko omu Danieli 7.

  • Ngatholere ingaghunza ndambi nyingahi ing’igha? Eriyeghesya buthumbya, ly’erikaleka omundu iniabya ndeke bunyakirimu. Okw’itsuka wanganabya wuk’igha bike kyamayithaghisibwa, neryo iwaghenda wuk’ongera lyolho-lyolho. Eriyeghesya Ekinywe kya Nyamuhanga liri ng’erithakulha eby’obughuli ebibisire omwa kithaka; wukabya wune mubibana, wukayongera erithakulha! (Emi 2:3-6) Iwukendiongera erianza Ekinywe kya Nyamuhanga, n’eriyeghesya Ekinywe kya Nyamuhanga mughulhu wosi iniabya mubere wawu omwa ngebe.​—1Pet 2:2.

EBISORO EBIRI OMU DANIELI SURA 7 BIK’IMANIRAKI?

  • Dan 7:4

  • Dan 7:5

  • Dan 7:6

  • Dan 7:7

EKINDI KIBULYO:

Danieli 7:8, 24 muhabererera hathi?

EKINDI KY’ERIGHAKO:

Ebisoro ebikanibweko omwa Eribisulirwa sura 13 bik’imaniraki?