Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akatabu k'Omuhindano ak'Engebe n'Omubiiri Wethu  |  Okwakasathu 2016

 ENGEBE YETHU NG’ABAKRISITAYO

Erilhubuka—Likathokekana Busana n’Embanulho

Erilhubuka—Likathokekana Busana n’Embanulho

Eryibuka olhuholho lhwa Yesu likathuha akaghisa ak’erilengekania okwa mighisa ey’obuthuku obukasa eyikathokekana busana n’embanulho, ng’ow’erilhubuka. Sikabya kighendererwa kya Yehova abandu eriholha. Busana n’ekyo, ekindu ekikathulhumaya kutsibu bw’obulighe bw’eriholerwa omwanze. (1Kor 15:26) Yesu mwakwa obulighe akalhangira abigha biwe bakalirikana busana n’olhuholho lhwa Lazaro. (Yn 11:33-35) Kundi Yesu akakanganaya emibere ya Thatha wiwe ya ndeke-ndeke, thukaminya ngoku Yehova nayu akakwa obulighe akalhangira thukasusumana busana n’eriholerwa. (Yn 14:7) Yehova alindirire kutsibu obuthuku akendi syalhubukya abaghombe biwe, nethu kwa thunatholere ithwayowa thuthya.Yobu 14:14, 15.

Kundi Yehova ni Nyamuhanga w’obuyithondeke, kikaleka ithwaminya ngoku erilhubuka likendi syabya omwa buyithondeke. (1Kor 14:33, 40) Omwakanya k’ebiriro, hakendi syabya eryangirira abakalhubuka. Wukana ghaniraya okw’ilhubuka, kwilhabirirya omughulhu wuli omwa bulighe? (2Kor 4:17, 18) Wukana sima Yehova busana n’erithuha embanulho n’erithukangania omwa Masako ngoku abaholi bakendi syalhubuka?Kol 3:15.

  • Ni bahi okwa banywani bawu n’abahughu bawu abawanzire kutsibu-tsibu iwasyalholhako?

  • Okwa bandu b’omwa Biblia ni bahi abawanzire iwasyalholhako n’erikania nabo?