Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akatabu k'Omuhindano ak'Engebe n'Omubiiri Wethu  |  Okwakathano 2016

 ENGEBE YETHU NG’ABAKRISITAYO

Wunemukolesya e JW Library?

Wunemukolesya e JW Library?

E JW Library ni app (software application) eya wuthethuhira eyanga kuwathikya erilhusya e Biblia n’ebindi bitabu, esyovidiyo, n’emyatsi y’erihulikirira okwa muthahulha wethu we Intaneti n’eribihira okwa simu yawu, etabuleti, kutse okwa kombyuta.

NGOKU WANGA BANAYO: Ghenda okwa Intaneti, wanalhusya e JW Library omwa app store. E JW Library yikolirwe busana n’esyosimu, esyotabuleti n’ebindi ng’ebyo. Iwune okwa Intaneti, kyungulha e JW Library wana sombolha emyatsi eyawanzire erihira okwa simu yawu, etabuleti, kutse okwa kombyuta yawu. Wamabya isi wuwithe e Intaneti, iwangana kolesya ey’okwa Kingdom Hall kwamabya ikune, ey’omwa layibrare ey’abandu abosi kutse ahosi-hosi ahayangabya. Emyatsi yamabirilhusibwa okwa Intaneti, n’erihirayo okwa simu, etabuleti, kutse okwa kombyuta yawu, siwulithasyayithagha eribya okwa Intaneti imuwasomayo. Kundi emyatsi mihya-mihya yikabya iyine mwongerwa okwa JW Library, wutholere iwabya iwune mulebya okwa Intaneti mughulhu wosi n’erihayoko yamabya iyabiryongerwako.

OMUGHASO WAYO? E JW Library yikaleka ikyakw’olhobera eriyeghesya ndeke n’erikwama-kwamania ndeke omwa mihindano. Kandi ni y’omughaso omw’ithulira, kwilhabirirya wukathulira kitsumbukirania.