Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akatabu k'Omuhindano ak'Engebe n'Omubiiri Wethu  |  Okwakani 2017

 ENGEBE YETHU NG’ABAKRISITAYO

Esyonyimbo sy’Obwami Sikathuha Obuthubaha

Esyonyimbo sy’Obwami Sikathuha Obuthubaha

Paulo na Sila mubapipa Nyamuhanga omw’imba esyonyimbo ibane omwa muliki. (Emib 16:25) Na munabwire, abikirirya balikyethu mubimba esyonyimbo sy’Obwami ibane e Sachsenhausen omwa kampu y’abanya-ngomo omwa Nazi Germany kandi ibane n’omwa bunyewa e Siberia. Eby’erileberyako ebi bikakanganaya amaaka agho esyonyimbo siwithe.

Ekitabu ky’esyonyimbo ekihya-kihya ekiwithe omuthwe “Sumba Omulenge n’Obutseme” Eriimbira Yehova kikendi hulhukibwa omwa yindi mibughe mingyi. Thukendibya thwabiribana ekopi, ithwangana hambira ebinywe by’omwa muthwe omw’iyibegheresya esyonyimbo omw’iramya lyethu ly’eka. (Efe 5:19) Neryo, omulimu abuyirire akendi thuwathikya erisibuka thukabana ebitsibu. Esyonyimbo sy’Obwami syangana thuwathikya erihira amalengekania okwa maha wethu. Syangana leka ithwabya n’obuthubaha thukabana ebitsibu. N’omughulhu thukayowa ndeke, ebinywe ebyuwene ebiri omwa syonyimbo bikaleka “ithwasumba omulenge n’obutseme” kundi omuthima wethu atsemire. (1Emy 15:16; Esy 33:1-3) Kwesi ka thulengeho kutsibu erikolesya ndeke esyonyimbo syethu sy’Obwami!

MULEBAYE EVIDIYO OLHWIMBO OLHWA HIRA OMWA BAKOLI MW’OMUHWA. N’ENYUMA WAHO MUSUBIRAYE OKWA BIBULYO BINO:

  • Ni mibere yahi eyaleka Mughalha wethu Frost iniatunga olhwimbo?

  • Olhwimbo olho mulhwaleka lhuthi baghalha bethu ababya omwa kampu y’abanya-ngomo e Sachsenhausen ibabya n’obuthubaha?

  • Esyonyimbo sy’Obwami syanga kughumya mwa mibere yahi eya buli kiro?

  • Ni nyimbo syahi sy’Obwami esya wanzire erihambira omwa muthwe?