Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akatabu k'Omuhindano ak'Engebe n'Omubiiri Wethu  |  Okwakani 2017

 ENGEBE YETHU NG’ABAKRISITAYO

Wangana Hira Omwa Mukrisitayo Oyuwabirisebebera mw’Omuhwa

Wangana Hira Omwa Mukrisitayo Oyuwabirisebebera mw’Omuhwa

Obuli mwaka, ababirisebebera bakahindana okw’Ibuka. Mubatsuka amathibitho w’engebe aliriryo busana n’esyonzumwa muthina-muthina, lyolho-lyolho, mubaghenda bakasebebera, esindi sy’okwa nzumwa esi sinakanibweko omwa brokyuwa Return to Jehovah. (Ebr 12:1) Nomwabine, ababirisebebera bakabya ibakine b’obughuli embere sya Yehova, oyuwabaghulha omwa musasi wa Mughalha wiwe. (Emib 20:28; 1Pet 1:18, 19) Thwanga bawathikya thuthi nuku basube omwa kithunga?

Abasyakulhu b’ekithunga bakalengaho erisondekania n’eriwathikya Abakrisitayo ababirisebebera ngoku omulisya akanasondaya ndeke embuli eyikalhua omwa kihangulho. (Lk 15:4-7) Eki kikakanganaya eritsomana lya Yehova ery’olhwanzo. (Yer 23:3, 4) Ithwe bosi, butsira abasyakulhu basa, thwangana hira omwa babirisebebera ng’aba mw’omuhwa. Akaghalha akathukahiraho eribatsomana n’eribakangania olhwanzo kakatsemesaya Yehova kandi mwangana lhwiririra ebibuya. (Emi 19:17; Emib 20:35) Busana n’ekyo, thalengekania nga ni wahi oyo wangahira mw’omuhwa, neryo kolha ekyo ahathe eririndirirya!

MULEBAYE EVIDIYO HIRA OMWA BABIRISEBEBERA MW’OMUHWA, N’ENYUMWA WAHO MUKANAYA OKWA BIBULYO BINO:

  • Ni kyahi ekya Abbey akolha akabana omwema wa Yehova oyo athabya asi?

  • Busana naki thutholere ithwatsuka eribwira abasyakulhu thwamabya ithukanza eriwathikya oyuwabirisebebera?

  • Abbey mwayithegheka athi eribungira Laura omurundi wakabiri?

  • Abbey mwakangania athi eriyitsingirira, erighumisirizya, n’olhwanzo akalengaho erihira omu Laura mw’omuhwa?

  • Omusyo wa Yesu owali omu Luka 15:8-10 angathweghesyaki?

  • Ni mighisa yahi eya lhwiririra omwa kaghalha akahirawaho eriwathikya Laura?