Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akatabu k'Omuhindano ak'Engebe n'Omubiiri Wethu  |  Okwakani 2016

 MINYA NDEKE ERIKOLHA OMUBIIRI W’ERITHULIRA

Erikokya Abandu Okwa Lhuhindano lhw’Erijoni

Erikokya Abandu Okwa Lhuhindano lhw’Erijoni

Obuli mwaka, thukalindirira erirya ly’obunyakirimu erya thukabana okwa lhuhindano lhw’erijoni. Nuku n’abandi batsemere obubuya bwa Yehova, thukendisya kokya abandu bangyi ngoku thwanga thoka banga syahindana nethu. (Esy 34:8) Akathunga k’abasyakulhu omwa buli kithunga ka kakendi lhangira ngoku esyokada syanga ghabwa ndeke.

EBYA WUTHOLERE IWABYA IWUNIBUKIRE

  • Olhuhindano lhwethu lhukendi syabya mughulhu wahi?

  • Erithererera likendi syatsuka mughulhu wahi ewethu?

  • Emihindano ey’eriyathulira yikendibya yikabya mughulhu wahi omwa kithunga kyethu?

  • Ngawithe bilhubirirwaki omw’ithererera eri?

  • Ni bahi aba ngathegheka erisyakokya?

NI BYAHI EBYA WANGA BUGHA?

Wabiriramukya, iwangana bugha wuthi:

“Thune musangira omw’ikokya erinemukolhwa omwa kihugho kyosi ery’erighaba ekada eno busana n’omukonga mukulhu kutsibu. Ebiro, endambi, n’aha lhukendi syabya bine okwa kada eno. Thukendi syatsema wukabya haghuma nethu.”

WANGA KULHA-KULHANIA WUTHI ERIANZISIBWA?

Nomwakine indi thwanzire erikokya abandu bangyi okwa lhuhindano, thutholere thwalhangira thuthi thukakulha-kulhanaya erianzisibwa eryanga kanganibwa.

Okwa syowikendi, ithwangana ghaba esyogazeti n’esyokada.