‘Omwaka w’olhukogho lhwa Yehova’ si mwaka wanyine-nyine

61:1, 2

  • Ni buthuku obwa Yehova akaha ab’emithima myolho akaghisa ak’eriowa engulhu eyihambire okwa bwiranda

  • Omwa kighonye ky’erimbere, omwaka w’olhukogho atsuka omughulhu Yesu atsuka omubiiri w’erithulira omu 29 E.K. erihika okwa “kiro ky’eritswera” lya Yehova omughulhu e Yerusalemu yathoghothibawa omu 70 E.K.

  • Omwa buthuku buno, omwaka w’olhukogho atsuka Yesu akabya mwami elhubulha omu 1914 kandi akendi syahwererera omwa bulighe bunene

Yehova akaha abandu biwe ‘b’emithi y’erithunganene’

61:3, 4

  • Omwa Kihebrania ekinywe “emithi” ekiri omwa mulhondo oyu kikamanyisaya emithi eminene-minene kandi eyighumire

  • Emithi miri-miri omwa kihugho yikakulira haghuma omwa bibira, aho obuli muthi akasighika owundi

  • Emirihi eminene-minene yangana yighobangania, iyaleka emithi iyaghuma neryo ikyaleka iyaghumira ebihunga

• Emithi emiri-miri yikaha eyikine milere-milere y’ekitsutsu, n’ebikoma ebikalhaghalha okwa mithi bikaleka omuthaka iniabya n’omubogha

Abosi abali omwa kithunga ky’Ekikrisitayo omwa kihugho kyosi bakaghasirawa omwa buwathikya n’obutheya ‘bw’emithi y’erithunganene,’ emisighalira ey’abahakabibwa