Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akatabu k'Omuhindano ak'Engebe n'Omubiiri Wethu  |  Okwakabiri 2017

 ENGEBE YETHU NG’ABAKRISITAYO

Kolesaya Ndeke Ebitabu Byethu

Kolesaya Ndeke Ebitabu Byethu

Yesu mwabugha athi: “Mwabiriangirira butsira eririha, muhe abandi butsira eririhisya.” (Mt 10:8) Thukaghendera okwa busondoli obulhangirikire obu omw’ithendi saba abathukaha esyo Biblia kutse ebitabu byethu ebiseghemere okwa Biblia b’esyosente. (2Kor 2:17) Nomwabine bithya, ebitabu ebi muli ekwenene ey’obughuli eyiri omwa Kinywe kya Nyamuhanga. Erihulhukya n’erihikya ebitabu ebi okwa bithunga erithimba omwa kihugho kyosi kikayithaghisaya kaghalha kanene n’esyosente nene. Busana n’ekyo, thutholere ithwimya ebya thukayithagha bisa.

Kolesaya amenge wukaghaba ebitabu, nibya nomuthwangabya ithukathulira omwa myanya ahali abandu bangyi. (Mt 7:6) Omwakanya k’erikwama kyaha abakalhaba b’ebitabu, lhangira wuthi wukatsuka erikania nabu eriminya ngabananzisibirwe. Mbwino wangana subirya wuthi, ee, hakiri okwa kibulyo kighuma okwa biri hikwa hano? Wamabya isiwanga thoka eriminya omundu ngananzisibirwe, kyuwene erimuha etrakit. Aliwe, amasaba egazeti kutse ekindi kitabu, thutholere ithwamuhakyo.Emi 3:27, 28.