Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akatabu k'Omuhindano ak'Engebe n'Omubiiri Wethu  |  Okwakasathu 2018

 ENGEBE YETHU NG’ABAKRISITAYO

Eryanza Nyamuhanga n’Abaliranwa​—Ngoku Thwanga Kikangania

Eryanza Nyamuhanga n’Abaliranwa​—Ngoku Thwanga Kikangania

Nomwakine indi Abakristayo sibakisondolhawa n’emighambo ya Musa, ebihano byayo ebikulhu-bikulhu​—eky’eryanza Nyamuhanga n’eryanza abaliranwa​—bikina kanganaya ekya Nyamuhanga akathuyithaghako. (Mt 22:37-39) Olhwanzo olhu silhuliyiretha. Thutholere ithwalhukulha-kulhania. Thuthi? Enzira nguma ly’erisoma e Biblia obuli kiro. Thukabya thukakania okwa mibere ya Nyamuhanga muthina-muthina eyiri omwa Masako, thukalhangira “obubuya bw’Omwami Mukulhu.” (Esy 27:4) Neryo eki kikaleka olhwanzo olhwa thumuwithire ilhwayongera n’eritsuka eribya n’amalengekania ng’awiwe. Eki kikaleka ithwaghendera okwa bihano biwe, imwamune n’ekihano eky’erikangania abandi b’olhwanzo. (Yn 13:34, 35; 1Yn 5:3) Hano hane ebindu bisathu ebyangaleka ithwatsemera erisoma e Biblia:

  • Kolesaya amaaka wawu w’erithera akasasani, kandi hweraya kw’amalengekania wawu wosi. Yowe nga wuneho. Iwukendi lhangira, iwowa, kandi iwabeherwaki? Abawamasomako bangabya ibakayowa bathi?

  • Kolesaya emibere muthina-muthina. Ng’eky’erileberyako: iwangana soma omwa mulenge owakowika, kutse iwakwama-kwamania omwa Biblia yawu iwunahulikirire obusomi obuli okwa radio kutse okwa kindi kindu. Soma oko mundu mulebe kutse oko mwatsi mulebe we Biblia omwakanya k’erisoma esyosura ngoku sikwamangene. Ng’eky’erileberyako, kolesaya e Appendix A7 kutse B12 omwa New World Translation of the Holy Scriptures erisoma oku Yesu. Soma esura yosi omo erisako erya buli kiro liryalhusibawa. Soma ebitabu bye Biblia ngoku bisubungukene.

  • Soma n’ekighendererwa ky’eryanza eriyitheghererya. Nibya n’erisoma sura nguma buli kiro iwune muyitheghereryayo n’erighanirya kuyo kyuwene kutsibu kwilhaba erisoma esyosura nyingyi kundi wukathanza erighunza omwatsi. Lebaya emibere eyabyaho. Lebaya n’eyindi myatsi eyihambire oko mwatsi oyo. Kolesaya esyomapu n’awandi masako awakangirirwe. Sekulhaya hakiri lisako lighuma erya wuthethayitheghererya. Kyamathokekana, wukaghanirya kolesaya obuthuku bungaha n’obwa wukakolesaya wukasoma.