Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akaleberyo  |  Okwomwenda 2015

 OMWATSI W’OKWA KIDIPA | ABEMA BA YEHOVA NI BAHI?

Ni Kyahi Ekikaleka Ithwathulira?

Ni Kyahi Ekikaleka Ithwathulira?

Sihali kindi ekikathuminyikalhaya kutsibu ng’omubiiri wethu w’erithulira—omwa miyi y’abandu, omwa myanya eyikabya mw’abandu bangyi, n’ehosi eyathwanga beya. Eki thukakikolha busana naki?

Abema ba Yehova bakathulira busana n’eriha Nyamuhanga y’olhukengerwa n’eriminyisya erina liwe. (Abaebrania 13:15) Kandi thukabya ithukakenga Yesu oyuwalhaghira athi: “Mughende muyire abigha, okwa bihanda byosi, . . . Mukangirirayebo bakole ebyosi ebyo nabiribahana.”Matayo 28:19, 20.

N’ekindi, thwanzire abandu. (Matayo 22:39) Ni kwenene thunasi obuli mundu ngoku anawithe edini yiwe kandi ngoku sibugha indi obuli mundu akendi tsemera omwatsi wethu. Nomwakine, thukyasi ngoku ebya Biblia yikakangiriraya by’ebyanga lhamya abandu. Ekyo ky’ekikaleka “ithwathumbya erikangirirya n’erithulha engulhu yuwene ya Yesu kw’ali Kristo,” ngoku Abakristayo ab’omwa kighonye ky’erimbere bakolha.Emibiri 5:41, 42.

Oyusomire eby’emibere y’abandu iya Antonio Cova Maduro mwabugha “okwa kaghalha aka Bema ba Yehova bakahiraho n’ebya bakalhabamu, erihika n’okw’iyilhuhya kutsibu . . . , nuku ekinywe kya Nyamuhanga kihike haali omwa kihugho.”—olhupapura lhw’amakuru olhwa El Universal olhwe Venezuela

Abangyi abakasoma ebitabu byethu si Bema ba Yehova. Kandi esyomiliyoni sy’abathuk’igha nabu e Biblia ni b’omwa sindi dini. Aliwe kandi bakasima Abema ba Yehova eribya ibanemubahikako.

Ni kwenene wanganabya iwunawithe ebindi bibulyo ebihambire okwa Bema ba Yehova. Eribana eby’erisubirya,

  • Bulhaya Abema ba Yehova.

  • Ghenda okwa muthahulha wethu we Intaneti owa www.jw.org.

  • Asa okwa mihindano yethu, obuli mundu akakokibawa.