Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akaleberyo  |  Okwomwenda 2015

 OMWATSI W’OKWA KIDIPA

Abema ba Yehova Ni Bahi?

Abema ba Yehova Ni Bahi?

“Eritsuka kera nabya inganasi ya Mike. Ni Mwema wa Yehova. Aliwe eby’edini yiwe ibikanyiswekaya. Iningayibulhaya, Yehova nindi? Ekikaleka Abema ba Yehova ibaghana eryibuka ebiro bikulhu niki? Mbwino Mike abirithebwa?”—Becky, owe California, Amerika.

“Abataka baghe babere batsuka erigha e Biblia n’Abema ba Yehova, munayibulya: ‘Erina, Abema ba Yehova likamanyisayaki? N’eri nalyo iryabya lina ly’edini!’”—Zenon , owe Ontario, Canada.

“Ingye na mukali waghe muthwalengekania thuthi mbwino Abema ba Yehova erithubungira bakathulhangira ng’abakafiri kundi ithukabya isithwathaghenda okwa kisomo. Ithukayowa thuthi amadini awasibwe kutsibu amabya isyangakangirirarya ebya thukaronda, ibbwa lero akadini k’Abema ba Yehova aka.”—Kent, owe Washington, Amerika.

“Omo kwenene singabya ngabasi nga ni bahi n’ebya b’ikirirye.”—Cecilie , owe Esbjerg, Denmark.

Obundi wabiribalhangira okwa miyi y’abandu kutse eyindi myanya eyiri mw’abandu banene ibanemuthulira, eriha abandu b’ebitabu ebikakanaya okwa Biblia n’eryeghesya abandu be Biblia. Obundi omughuma wa kubo yulyakuha egazeti eno. Aliwe wanganabya iwukinayibulhaya Abema ba Yehova nga ni bahi. Obundi nawu wukanalengekanaya ng’abamakanibwako aba.

Wamabya iwukanayibulhaya wuthya, ni hayi ahawanga bana eby’erisubirya? Wanga minya wuthi ebya Bema ba Yehova b’ikirirye? Esyosente esikakolesibawa omwa mubiiri wabu w’erithulira n’erihimba amanyumba awabakahindaniramu sikalhuahi? N’ekikaleka ibahika okwa bandu omwa miyi yabu n’omwa yindi myanya ni kyahi?

Cecilie, oyukanibweko ahaghulhu, akathasyabugha athi, “Munasoma bingyi ebihambire okwa Bema ba Yehova okwa Intaneti. Ininga bowa kwa myatsi mingyi eyithuwene. Eki mukyaleka inathunga amalengekania awathuwene okwa Bema ba Yehova.” Aliwe endambi muyahika amayikanirya n’Abema ba Yehova, bamasubirya ndeke ebibulyo biwe ebyosi.

Wunanzire iwaminya ebihikire ebihambire okwa Bema ba Yehova? Thukakuhira mw’omuhwa w’eribulya abanga kubwira okwenene—Abema ba Yehova ibibene-bene, abinye gazeti eno. (Emisyo 14:15) Thuyikethere ngoku emyatsi eyikakwamako yikendi kuwathikya eriminya nga thuli bahi, ebya thw’ikirirye n’omubiiri wethu.