Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akaleberyo  |  Okwomwenda 2015

 OMWATSI W’OKWA KIDIPA | ABEMA BA YEHOVA NI BAHI?

Abema ba Yehova b’Ikiriryeki?

Abema ba Yehova b’Ikiriryeki?

Abema ba Yehova b’ikirirye ngoku “Amasako wosi Nyamuhanga yuwathegthekanayagho” kandi ngoku “ali n’endundi.” (2 Timoteo 3:16) Thukakolesaya e Biblia erithusondolha erigha okwa Muhangiki n’erithuwathikya eribya omwa ngebe eyuwene.

E Biblia yikabugha yithi: “Neryo abandu baminye bathi iwe, erina lyawu ni Yehova, n’iwe musa wuli Endatha Kutsibu okwa kihugho kyosi.” (Esyonyimbo 83:18, NW) Busana n’ekyo, thukaramaya Nyamuhanga Yehova musa, n’erilhangira thuthi ithwe ng’Abema biwe thukabwira abandu abosi okwa lina liwe.Isaya 43:10-12.

Kundi thuli Bakristayo, thw’ikirirye ngoku Yesu, “Mughalha wa Nyamuhanga,” * mwasa okwa kihugho neryo amabya Masiya. (Yoane 1:34, 41; 4:25, 26) Yesu abere abiriholha, mwalhubuka amaya elhubulha. (1 Abanya Korinto 15:3, 4) Neryo enyuma waho amabya Mwami w’Obwami bwa Nyamuhanga. (Eribisulirwa 11:15) Obwami obo ni gavumente eyikendisyaletha Eparadiso okwa kihugho. (Danieli 2:44) E Biblia yikabugha yithi, “Abakayikehaya basy’ikalha ndeke omwa kihugho basyayitsemera omwa buholho bunene.”Esyonyimbo 37:11, 29.

“B’ikirirye bathi bakabya bakasoma e Biblia, Nyamuhanga akabya iniakakanaya nabu. Bakabya bakabana ebitsibu, obuwathikya bakabusondaya omwa Kinywe kya Nyamuhanga. . . . Okw’ibo, Ekinywe kya Nyamuhanga sikihwere okwa buthuku.”—Omukulhu w’omwa dini y’Ekikatuliki iya Benjamin Cherayath omwa lhupapura lhw’amakuru olhwe Germany olhwa Münsterländische Volkszeitung.

Abema ba Yehova b’ikirirye ngoku ebya Biblia yikakangiriraya bikaghasira abandu na munabwire. (Isaya 48:17, 18) Neryo busana n’ekyo, ebya yikakangiriraya bya thukaghenderako. Ng’eky’erileberyako, kundi e Biblia yikathuthanga eriyitsandya omwa mubiri, sithulinywa ethaba n’erikolesya nabi ebikathamiraya. (2 Abanya Korinto 7:1) Thukayihighulha n’okwa mitse eyikathangawa omwa Biblia, ng’erithamira, eby’obutswatswa, n’obwibi.1 Abanya Korinto 6:9-11.

^ olhup. 5 Kandi e Biblia yikabugha yithi Yesu ni “kyusa kya Nyamuhanga” kundi iyo ni kihangikwa ky’erimbere ekya Nyamuhanga ahangika iyuwene-wene.Yoane 3:18; Abanya Kolosai 1:13-15.