Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akaleberyo  |  Okwomusanju 2015

E Biblia Erisubirya Okwa Bibulyo

E Biblia Erisubirya Okwa Bibulyo

Obubi bukalhuahi?

Nindi oyuwanza eringirya yesu y’omw’ikolha ebithuwene? Matayo 4:8-10

Obuli mundu akanza iniabya w’obuholho, iniabya mw’okwenene, kandi w’olhukeri. Neryo kwesi, amalhwa, obuthebulingirirania, n’obutsurumi bikathasyabanika bithi? Si bwang’ira wuthethowa ebik’itha obuba. Mbwino hangabya ihali oyukakolesaya abandu b’ebindu bibi?Soma 1 Yoane 5:19.

Nyamuhanga mwanahira omwa mundu mw’omuthima w’obubi? Eyihi, Yehova Nyamuhanga mwahangika abandu omwa kisosekanio kiwe, ibanganathoka erigherererya olhwanzo lhwiwe. (Enzuko 1:27; Yobu 34:10) Kandi mwabaha n’obughabe obw’eriyithwiramu. Ababuthi bethu b’erimbere babere bathwamu erikolha ekithahikire, mubabya ibamaghana erigherererya Nyamuhanga neryo bamabya isibakihikene. Mubathusighalirya omubere ow’erikolha ekibi.Soma Eryibuka Ebihano 32:4, 5.

Mbwino obubi bukendi syabyaho kera na kera?

Nyamuhanga anzire ithwakakirya emibere yethu mibi. (Emisyo 27:11) Busana n’ekyo akathukangiriraya ngoku thwanga yihighulha okw’ikolha ebithuwene kandi ngoku thwangabana etseme kundu. Aliriryo munabwire, sithwanga thoka erigherererya olhwanzo lhwa Nyamuhanga lhwa ndeke-ndeke.Soma Esyonyimbo 32:8.

Nomwakine indi obubi bukanyirire lino, Nyamuhanga akabulekereraho ahabw’obuthuku buke nuku abandu bayilhangirire ebitsibu ebikalhwiririramu. (2 Petero 3:7-9) Aliriryo, ekihugho kyosi kikisiya ikyusulha mw’abandu abatsemire abakakenga Nyamuhanga.Soma Esyonyimbo 37:9-11.