Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akaleberyo  |  Na. 1 2018

3 Obuwathikya bw’Erighumira Ebitsibu

3 Obuwathikya bw’Erighumira Ebitsibu

Hane ebitsibu ebya thuthe thwanga yihighulhako lino kutse eribighunzaho. Ng’eky’erileberyako, wamabya iwabiriholerwa omwanze wawu kutse iwukwire obulhwere obuthelhama, wanganabya isiwuwithe eky’erikolha aliwe erisondekania emibere ey’erighumira obulhumi. Mbwino e Biblia yangana wathikya omwa mibere eyikalire ng’eyi?

OBULHWERE OBUTHELHAMA

Rose akabugha athi: “Munabuthwa n’obulhwere obukanyirethera obulhumi bunene, obuthehwa. Engebe yaghe yabiritsotsobera.” Ekyabya kikamulyambya kyabya indi okwa bundi buthuku isyalithoka erihwerya amalengekania wiwe okw’iyeghesya e Biblia n’emyatsi y’obunyakirimu. Aliwe mwawathikibwa kutsibu omwa binywe bya Yesu ebiri omu Matayo 19:26: “Oku Nyamuhanga emyatsi yosi yikathokekana.” Rose mwaminya ngoku hali emibere mingyi ey’erighiramu. Kundi obulhumi bwiwe ibukaleka okwa bundi buthuku erisoma iryamukalira, mwatsuka erihulikirira obusomi bwe Biblia n’obw’ebindi bitabu. * Akabugha athi: “Ku ngathakolha ekyo, singasi nga nangathokire indi eritheya obunyakirimu bwaghe.”

Rose akabya amabya omwa bulighe bw’eribya isyangathasya thoka erikolha eby’anabya akakolha, akabana erihumulikana omwa binywe ebiri omu 2 Abanya Korinto 8:12: “Nikwa mwamabya n’omuhwa w’erihithya, Nyamuhanga akaligha ebyo mundu awithe, butsira ebyo athawithe.” Ebinywe ebyo bik’ibukaya Rose ngoku Nyamuhanga akatsemera eby’akakolha, kundi akakolha eby’angathoka nomwanawithe erilemererwa.

OBULIGHE BW’ERIHOLERWA

Delphine, oyothulyakanayako, akabugha athi: “Mwali waghe ow’emyaka 18 abere abiriholha, munabya  omwa bulhumi bunene namayowa nga sinanga thoka n’eribyaho. Obuli kindu ikyabirihinduka.” Aliwe ebinywe ebiri omu Esyonyimbo 94:19 mubya muhumulikania kutsibu, aho omuhandiki w’esyonyimbo abwira Nyamuhanga athi: “Omughulhu ngahandabuka n’erikwa engitsi, wukanyisibikaya, n’erinyitsemesya.” Akabugha athi, “Munasaba Yehova angwathikaye eribana ebyanga nyiwathikya erikehya obulhumi.”

Mwayihwerya omwa mubiiri owuwene ow’eriwathikya abandi. Endambi muyahika, amayilinganisya n’omwina w’omwana—nibya n’ehitsutsangikire hikabya ihyangan’ina. Nayu nomwanayowa iniabiribbunika muthima, mwaminya kw’angana wathikya abandi. Ak’ibuka bino: “Munayisanga ikyabiribya indi erikolesya emisingyi ye Biblia n’amalengekania awalimu erihumulikania abo ng’igha nabu, yamabya iy’enzira eya Yehova akakolesaya erinyihumulikania.” Mwahandika abandu b’omwa Biblia ababana obulighe bw’eriholerwa. Mwaminya ngoku “Abosi, babya bandu abakasaba.” Kandi mwaminya ngoku “siwangabana eby’erisubirya wuthethasukulha e Biblia yawu.”

Erigha e Biblia kyabiryeghesya Delphine y’ekindi kindu—erihira amalengekania okwa by’embere, butsira okwa byabirilhaba. Amaha awali omwa Emibiri 24:15 akamuhumulikanaya: “Hasyabya erilhubuka ly’abathunganene n’ababi.” Ni kyahi ekyaleka iniakakasya ngoku Yehova akendisya lhubukya mwali wiwe? Leka Delphine asubiraye: “Ngayikethere ngoku ngendi syalholha oku mwali waghe. ‘Ekiro’ ky’erisyalholhanako kyabiritheghekwa, kikabya nga kiri okwa kalenda ya Thatha waghe. Ngalhangira ithune haghuma omw’irima lyethu ngoku namulhangira n’erimwanza akabuthwa.”

^ enu. 4 Emyatsi ng’eyo yine okwa muthahulha we jw.org.

E Biblia yangana kuwathikya eribana erihumulikanibwa n’omwa mighulhu eyikalire kutsibu